അബുദബി: നിലവിലെ വെല്ലുവിളികളിൽ നിന്നും യുദ്ധസാഹചര്യങ്ങളിൽ നിന്നും യുഎഇ കൂടുതൽ കരുത്തോടെ തിരിച്ചുവരുമെന്ന് യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാൻ. യുഎഇയെ ദുർബലമായി തെറ്റിദ്ധരിക്കരുതെന്നും രാജ്യത്തെ എളുപ്പത്തിൽ കീഴടക്കാനാകില്ലെന്നും അദ്ദേഹം ശത്രുക്കൾക്ക് കർശന മുന്നറിയിപ്പ് നൽകി.

അടുത്തിടെയുണ്ടായ സംഭവങ്ങളിൽ പരുക്കേറ്റ് ആശുപത്രിയിൽ ചികിത്സയിൽ കഴിയുന്നവരെ സന്ദർശിക്കവെ നൽകിയ അഭിമുഖത്തിലാണ് രാഷ്ട്രപതി തന്റെ നിലപാട് വ്യക്തമാക്കിയത്.

To all those who call the UAE home and guests in our beloved nation.

The UAE places its security and the protection of all citizens, residents, and visitors at the very top of its priorities. With God’s grace, the UAE is fully prepared to confront these threats.

I extend my…

— محمد بن زايد (@MohamedBinZayed) March 7, 2026

"യുഎഇ പുറമെ ആകർഷകമായി തോന്നാം, പക്ഷേ ഞങ്ങളുടെ കൈകൾ ഉറച്ചതാണ്," ശൈഖ് മുഹമ്മദ് പറഞ്ഞു. രാജ്യത്തെയും ജനങ്ങളെയും അവിടെ താമസിക്കുന്ന ഓരോ വ്യക്തിയെയും സംരക്ഷിക്കാനുള്ള കടമ യുഎഇ തുടർന്നും നിർവ്വഹിക്കുമെന്നും അദ്ദേഹം കൂട്ടിച്ചേർത്തു. പൗരന്മാരുടെ സമർപ്പണമാണ് യുഎഇയുടെ കരുത്തെന്നും വെല്ലുവിളികളെ അതിജീവിച്ച് രാജ്യം കൂടുതൽ ശക്തമാകുമെന്നും അദ്ദേഹം പ്രത്യാശ പ്രകടിപ്പിച്ചു.

ALSO READ: യുഎഇക്ക് നേരെ മിസൈൽ ഭീഷണി; വ്യോമ പ്രതിരോധ സംവിധാനം സജ്ജമെന്ന് അധികൃതർ, ജാഗ്രതാ നിർദ്ദേശം

ആശുപത്രിയിൽ ചികിത്സയിൽ കഴിയുന്ന അഞ്ച് പേരെ അദ്ദേഹം നേരിട്ട് സന്ദർശിച്ച് സുഖവിവരങ്ങൾ അന്വേഷിച്ചു. രണ്ട് സ്വദേശികൾക്ക് പുറമെ ഇന്ത്യ, സുഡാൻ, ഇറാൻ എന്നിവിടങ്ങളിൽ നിന്നുള്ള ഓരോ പൗരന്മാരുമാണ് പരുക്കേറ്റവരുടെ പട്ടികയിലുള്ളത്. ഇവർ വേഗത്തിൽ സുഖം പ്രാപിച്ച് ആശുപത്രി വിടുമെന്ന് അദ്ദേഹം പറഞ്ഞു.

സേനയ്ക്കും പ്രവാസികൾക്കും അഭിനന്ദനം

യുഎഇ സായുധ സേന, ആഭ്യന്തര മന്ത്രാലയം, സുരക്ഷാ ഏജൻസികൾ, സിവിൽ ഡിഫൻസ് എന്നിവർ നടത്തുന്ന മികച്ച പ്രവർത്തനങ്ങളെ പ്രസിഡന്റ് അഭിനന്ദിച്ചു. രാജ്യത്ത് താമസിക്കുന്ന വിദേശികളെ 'ഞങ്ങളുടെ അതിഥികളും കുടുംബവും' എന്നാണ് അദ്ദേഹം വിശേഷിപ്പിച്ചത്. ഈ ദുഷ്‌കരമായ കാലയളവിൽ പ്രവാസികൾ നൽകുന്ന പിന്തുണയെ അദ്ദേഹം പ്രത്യേകം പ്രശംസിച്ചു.

എന്തെങ്കിലും പോരായ്മകൾ ശ്രദ്ധയിൽപ്പെടുന്നുണ്ടെങ്കിൽ അത് മനസ്സിലാക്കി തിരുത്തണമെന്നും, എല്ലാവരുടെയും സുരക്ഷയ്ക്കായി പ്രാർത്ഥിക്കുന്നുവെന്നും പറഞ്ഞാണ് അദ്ദേഹം തന്റെ വാക്കുകൾ അവസാനിപ്പിച്ചത്.

uae president sheikh mohammed warned that the country cannot be easily defeated and cautioned against underestimating its strength. the statement comes amid rising regional tensions, with authorities reaffirming readiness to defend national sovereignty and security.