നെടുമ്പാശ്ശേരി: സംസ്ഥാന സര്‍ക്കാര്‍ കാര്‍ഷിക വികസന ക്ഷേമ വകുപ്പിന്റെ നേതൃത്വത്തില്‍ കുന്നുകര ഗ്രാമ പഞ്ചായത്തും കൃഷി ഭവനും സംയുക്തമായി കുറ്റിപ്പുഴ ജെ.ബി.എസ് സ്‌ക്കൂളില്‍ ആരംഭിച്ച ഓണം, ബലിപെരുന്നാള്‍ പഴം, പച്ചക്കറി വിപണി പാറക്കടവ് ബ്ലോക്ക് പഞ്ചായത്ത് പ്രസിഡന്റ് ഷീന സബാസ്റ്റ്യന്‍ ഉദ്ഘാടനം ചെയ്തു.
ഗ്രാമ പഞ്ചായത്ത് പ്രസിഡന്റ് ഫ്രാന്‍സിസ് തറയില്‍ അധ്യക്ഷനായിരുന്നു. വൈസ് പ്രസിഡന്റ് സീന സന്തോഷ്, ബ്ലോക്ക് പഞ്ചായത്ത് അംഗങ്ങളായ ബിന്ദു സബാസ്റ്റ്യന്‍, രഞ്ജിനി അംബുജാക്ഷന്‍, ഗ്രാമ പഞ്ചായത്ത് അംഗങ്ങളായ പി.വി തോമസ്, സി.യു ജബ്ബാര്‍, എം.പി തോമസ്, രതി സാബു, ഷാനിബ മജീദ്, ഷിജി ജോഷി, ഷീബ പോള്‍സന്‍, കൃഷി ഓഫീസര്‍ സൗമ്യ പോള്‍, വിപണി കണ്‍വീനര്‍ എസ് ബിജു തുടങ്ങിയവര്‍ സംസാരിച്ചു.