കാക്കനാട്: കുന്നത്തുനാട് പഞ്ചായത്തിലെ പട്ടിമറ്റം ചെങ്ങര താമരച്ചാലില്‍ ടിപി മോഹനന്റെ വീട്ടിലെ അളുക്കളയിലെ ഗ്യാസ് സിലിണ്ടറില്‍ നിന്നും തീപടര്‍ന്നത് പരിഭ്രാന്തി പടര്‍ത്തി. ഇന്നലെ രാവിലെ പത്ത് മണിക്കാണ് അപകടം സംഭവിച്ചത്. തീ പടര്‍ന്നത് കണ്ട വീട്ടുകാര്‍ ഉടനെ പുറത്തേക്ക് ഇറങ്ങിയോടി. ആളപായമില്ല. പട്ടിമറ്റം ഫയര്‍ സ്റ്റേഷനില്‍ നിന്നുള്ള ഉദ്യോഗസ്ഥ സംഘമെത്തി തീയണച്ചു.
സിലിണ്ടറില്‍ ഘടിപ്പിച്ചിരിക്കുന്ന വാഷര്‍ തകരാറുമൂലം ഗ്യാസ് ചോര്‍ച്ചയുണ്ടായതാണ് കത്തു പിടിക്കുവാന്‍ കാരണമെന്നു ഫയര്‍ഫോഴ്‌സ്  ഉദ്യോഗസ്ഥര്‍ പറഞ്ഞു. ഗ്യാസ് അടുപ്പും പൈപ്പും കത്തി നശിച്ചു.