ലണ്ടന്‍: ഹോര്‍മുസ് കടലിടുക്കിലേക്ക് സൈന്യത്തെ അയക്കണമെന്ന യുഎസ് പ്രസിഡന്റ് ഡൊണാള്‍ഡ് ട്രംപിന്റെ ആവശ്യത്തിന് സഖ്യകക്ഷികളില്‍ നിന്ന് തിരിച്ചടി. യുഎസും, ഇസ്‌റാഈലും ചേര്‍ന്ന് ഏകപക്ഷീയമായി നടത്തിയ ഇറാന്‍ ആക്രമണത്തിന് പിന്നാലെ പാട്ടിപ്പുറപ്പെട്ട യുദ്ധത്തില്‍ ഭാഗമാകില്ലെന്ന് യുകെ പ്രധാനമന്ത്രി കെയ്ര്‍ സ്റ്റാര്‍മര്‍ വ്യക്തമാക്കി. 

ഹോര്‍മുസിലേക്ക് സൈന്യത്തെ അയക്കില്ലെന്ന് ജര്‍മനിയും, ഗ്രീസും നിലപാടെടുത്തിട്ടുണ്ട്. പ്രതിസന്ധി നയതന്ത്രത്തിലൂടെ പരിഹരിക്കണമെന്നാണ് ഇറ്റലിയുടെ ആവശ്യം. നാറ്റോ സഖ്യകക്ഷികളില്‍ നിന്നുള്ള മറുപടി അക്ഷരാര്‍ഥത്തില്‍ ട്രംപിനെ വെട്ടിലാക്കിയിരിക്കുകയാണ്. 

ALSO READ: വലിയ വിസ്മയങ്ങള്‍ ഇനിയും ഉണ്ടാകും; നല്ല കമ്മ്യൂണിസ്റ്റുകളെ ചേര്‍ത്ത് പിടിക്കണം; ടികെ ഗോവിന്ദന്റെ സ്ഥാനാര്‍ഥിത്വത്തില്‍ പ്രതികരിച്ച് വിഡി സതീശന്‍  

മേഖലയുടെ സുരക്ഷയും സമാധാനവും ഉറപ്പുവരുത്താനുള്ള നടപടികള്‍ക്കായി യുകെ പ്രവര്‍ത്തിക്കും. മേഖലയിലെ സ്വന്തം പൗരന്‍മാരെ സംരക്ഷിക്കുകയും, സ്വയം പ്രതിരോധവും, സഖ്യകക്ഷികളെ സംരക്ഷിക്കലും യുകെയുടെ പ്രഥമ പരിഗണനയിലുള്ള കാര്യമാണ്. എന്നാല്‍ വിശാലമായ യുദ്ധത്തിലേക്ക് സ്വയം വലിച്ചിഴക്കില്ലെന്നും യുകെ പ്രധാനമന്ത്രി വ്യക്തമാക്കി. സമാനമായി പശ്ചിമേഷ്യയില്‍ യുദ്ധത്തിന് നാറ്റോ സൈനിക സഖ്യത്തിന് ഒന്നും ചെയ്യാനില്ലെന്ന് ജര്‍മന്‍ വക്താവും പറഞ്ഞു. 

ഹോര്‍മുസ് കടലിടുക്ക് തുറന്ന് എണ്ണ വിതരണം സുഗമമാക്കാന്‍ സഹായിച്ചില്ലെങ്കില്‍ പാശ്ചാത്യ രാജ്യങ്ങളുടെ സൈനിക സഖ്യമായ നാറ്റോയ്ക്ക് മോശം ഭാവിയുണ്ടാകുമെന്നായിരുന്നു ട്രംപിന്റെ ഭീഷണി. പ്രതിസന്ധിയില്‍ സഖ്യരാഷ്ട്രങ്ങള്‍ ഇടപെടുന്നില്ലെന്നും ഹോര്‍മുസിന്റെ സുരക്ഷക്ക് യുഎസ് മാത്രമേ ഇടപെടുന്നുള്ളൂ എന്നുമാണ് ട്രംപിന്റെ വാദം.

uk allies have pushed back against us president donald trump’s demand to send troops to the strait of hormuz. uk prime minister keir starmer stated that the uk will not be part of the war that broke out after the unilateral attack on iran carried out by the us and israel.