പത്തനംതിട്ട: സിപിഎം നിയന്ത്രണത്തിലുള്ള അടൂര്‍ സര്‍വീസ് സഹകരണ ബാങ്കില്‍ സാമ്പത്തിക ക്രമക്കേട്. 75 ലക്ഷം രൂപയുടെ അഴിമതി അന്വേഷിക്കണമെന്ന് ആവശ്യപ്പെട്ടതിന് പിന്നാലെ ബാങ്ക് പ്രസിഡന്റ് പൊന്‍താമര പിള്ള രാജിവെച്ചു. സിപിഎം അടൂര്‍ ഏരിയ കമ്മിറ്റിയംഗവും, ബാങ്ക് മുന്‍ പ്രസിഡന്റുമായ പി രവീന്ദ്രനെതിരെ ഗുരുതര ആരോപണങ്ങള്‍ ഉയര്‍ത്തിയതിന് പിന്നാലെയാണ് രാജി. 

സിപിഎം സംസ്ഥാന സമിതിയംഗവും, അടൂര്‍ മുന്‍ എംഎല്‍എയുമായിരുന്ന ആര്‍ ഉണ്ണികൃഷ്ണ പിള്ളയുടെ ഭാര്യയാണ് രാജിവെച്ച പൊന്‍താമര പിള്ള. ബാങ്കിലെ നിക്ഷേപത്തുകയില്‍ നിന്നും മറ്റ് ഫണ്ടുകളില്‍ നിന്നുമായി 75 ലക്ഷംരൂപ കാണാതായിട്ടുണ്ടെന്ന് പൊന്‍താമര പിള്ള വാര്‍ത്താസമ്മേളനത്തില്‍ വെളിപ്പെടുത്തി. ഒരു വര്‍ഷം മുന്‍പാണ് ഇവര്‍ ബാങ്കിന്റെ പ്രസിഡന്റായി ചുമതലയേറ്റത്. ബാങ്കിന്റെ പ്രവര്‍ത്തനങ്ങളില്‍ അസ്വാഭാവികത തോന്നിയതിനെ തുടര്‍ന്ന് നടത്തിയ പരിശേധനയിലാണ് ഗുരുതര ക്രമക്കേടുകള്‍ കണ്ടെത്തിയത്. 

ALSO READ: എണ്ണവില കുറയ്ക്കാനുള്ള നാടകം; ട്രംപിന്റെ സമാധാന വാദങ്ങൾ തള്ളി ഇറാൻ; അമേരിക്കയുമായി ചർച്ച നടത്തിയിട്ടില്ലെന്ന് സ്ഥിരീകരണം

അനധികൃത ലോണുകള്‍ അനുവദിച്ചതടക്കമുള്ള കുറ്റകൃത്യങ്ങളാണ് പൊന്‍താമര സിപിഎം നേതൃത്വത്തിനെതിരെ ഉന്നയിക്കുന്നത്. അഴിമതി ചോദ്യം ചെയ്തതോടെ ഭരണസമിതിയിലെ മറ്റ് അംഗങ്ങള്‍ തനിക്കെതിരെ തിരിഞ്ഞെന്നും, അഴിമതിക്ക് കൂട്ടുനില്‍ക്കാത്തതിന്റെ പേരില്‍ നാളെ തനിക്കെതിരെ അവിശ്വാസ പ്രമേയം കൊണ്ടുവരാന്‍ ശ്രമമുണ്ടായെന്നും അവര്‍ പറഞ്ഞു. ബോര്‍ഡിലെ അംഗങ്ങളുടെ നീക്കത്തില്‍ പ്രതിഷേധിച്ചാണ് ധാര്‍മ്മിക ഉത്തരവാദിത്വം ഏറ്റെടുത്ത് രാജിവെക്കുന്നതായി പൊന്‍താമര അറിയിച്ചു.

financial irregularities have been reported in the cpm-controlled adoor service co-operative bank. following demands to investigate an alleged corruption of ₹75 lakh, the bank president Ponthamara Pillai has resigned.