കൊടകര: ഇന്റര്‍നാഷനല്‍ ആര്‍ട്‌സ് അക്കാദമി ദേശീയതലത്തില്‍ നല്‍കുന്ന കലാപുരസ്‌കാരങ്ങളില്‍ മികച്ച നൃത്താധ്യാപികക്കുള്ള ഈ വര്‍ഷത്തെ നാട്യകലാ മാണിക്യം അവാര്‍ഡ് കൊടകര സ്വദേശിനി കലാമന്ദിരം ശ്യാമളക്ക് ലഭിച്ചു. കൊച്ചിയില്‍ നടന്ന ഇന്റര്‍നാഷനല്‍ കള്‍ച്ചറല്‍ ഫെസ്റ്റിവലില്‍ പുരസ്‌കാരം സമ്മാനിച്ചു.
ഭരതനാട്യം കലാകാരിയായ ശ്യാമള 38 വര്‍ഷമായി നൃത്താധ്യാപനം നടത്തുന്നുണ്ട്. കലാമന്ദിരം എന്ന പേരില്‍ തൃശൂര്‍ ജില്ലയിലെ വിവിധ സ്ഥലങ്ങളിലും ബാംഗ്ലൂര്‍, കുവൈറ്റ് എന്നിവിടങ്ങളിലും നൃത്തപരിശീലന കേന്ദ്രങ്ങള്‍ നടത്തുന്നുണ്ട്. വിവിധ സ്‌കൂളുകളില്‍ സംഗീത അധ്യാപികയായിരുന്നു ശ്യാമള. 2013 ല്‍ സ്വാതി തിരുന്നാള്‍ സ്മാരക അവാര്‍ഡായ നാട്യരത്‌നയും നേടിയിട്ടുണ്ട്.