തിരുവനന്തപുരം: ദൂരദര്‍ശനിലെ പ്രചാരണ പരിപാടി ബഹിഷ്‌കരിച്ച് സി.പി.ഐ. കേന്ദ്ര വിമര്‍ശനം ഒഴിവാക്കണമെന്ന് ആവശ്യപ്പെട്ടതിനാലാണ് ബഹിഷ്‌കരണമെന്ന് പാര്‍ട്ടി സംസ്ഥാന സെക്രട്ടറി ബിനോയ് വിശ്വം അറിയിച്ചു. ഇത്തരമൊരു ആവശ്യം ദൂരദര്‍ശന്‍ അധികൃതര്‍ മുന്നോട്ടുവച്ചതിനാല്‍ പരിപാടിയില്‍ പങ്കെടുക്കില്ലെന്ന് അറിയിച്ചതായി അദ്ദേഹം പറഞ്ഞു.  

ദൂരദര്‍ശനെയും ആകാശവാണിയെയും 'യജമാനന്റെ' ശബ്ദം മാത്രം കേള്‍പ്പിക്കാനുള്ള യന്ത്രമായി മാറ്റുന്നത് അങ്ങേയറ്റം അപലപനീയമാണ്. ദൂരദര്‍ശന്‍ സ്വതന്ത്ര സ്ഥാപനമാണെന്നും ബി.ജെ.പിയുടെ ചാനല്‍ അല്ലെന്നും ബിനോയ് വിശ്വം ഓര്‍മിപ്പിച്ചു. 

സി.പി.ഐക്ക് അനുവദിച്ച പരിപാടിയില്‍ ചില ഭാഗങ്ങള്‍ ഒഴിവാക്കാന്‍ ദൂരദര്‍ശന്‍ നിര്‍ദേശിച്ചു. ബി.ജെ.പിക്കും കേന്ദ്ര സര്‍ക്കാരിനും എതിരായ പരാമര്‍ശങ്ങള്‍ ഒഴിവാക്കി പരിപാടി റെക്കോര്‍ഡ് ചെയ്യാമെന്നാണ് അറിയിച്ചത്. അവസാനത്തെ രണ്ട് ഖണ്ഡികകള്‍ ഒഴിവാക്കണമെന്നായിരുന്നു വെറ്റിങ് കമ്മിറ്റിയുടെ ആവശ്യം. ഇതോടെയാണ് പരിപാടിയില്‍ പങ്കെടുക്കുന്നില്ലെന്ന് അറിയിച്ചത്. കേന്ദ്രം ഭരിക്കുന്ന രാഷ്ട്രീയ പാര്‍ട്ടിക്ക് വേണ്ടിയാണ് വെട്ടിമാറ്റലെന്നും ബിനോയ് വിശ്വം പറഞ്ഞു.

The Communist Party of India has boycotted a campaign program on Doordarshan after allegedly being instructed to avoid criticising the central government. The party termed the directive unacceptable and protested against what it sees as restrictions on free political expression. The move has added to the ongoing political tensions during the election period.