അൽ-ബാഹ: സഊദി ഗ്രീൻ ഇനിഷ്യേറ്റീവിന്റെ ഭാഗമായി അൽ-ബാഹ നഗരത്തിലും സമീപ ഗവർണറേറ്റുകളിലുമായി 20,000ത്തിലധികം തൈകൾ നട്ടുപിടിപ്പിക്കാനുള്ള ബൃഹത് പദ്ധതിക്ക് തുടക്കമായി. അൽ-ബാഹ റീജിയൺ മേയർ ഡോ. അലി അൽ-സാവത്താണ് പദ്ധതിയുടെ ഉദ്ഘാടനം നിർവഹിച്ചത്. പരിസ്ഥിതി-ജല-കൃഷി മന്ത്രാലയത്തിന്റെ റീജിയണൽ ഡയറക്ടർ ജനറൽ എൻജിനീയർ ഫഹദ് അൽ-സഹ്റാനിയും ചടങ്ങിൽ മുഖ്യാതിഥിയായി. പരിസ്ഥിതി സന്തുലിതാവസ്ഥ ഉറപ്പാക്കുകയാണ് പദ്ധതിയിലൂടെ ലക്ഷ്യമിടുന്നത്. വിവിധ സർക്കാർ ഏജൻസികൾ, സന്നദ്ധ സംഘടനകൾ, സ്കൗട്ട് അംഗങ്ങൾ എന്നിവർക്കൊപ്പം 700ലധികം വൊളന്റിയർമാരും പദ്ധതിയുടെ പങ്കാളികളായി.

ALSO READ: സഊദി ഗതാഗത മേഖലയിലെ സ്ഥാപനങ്ങൾക്ക് ആശ്വാസം; വാഹന രജിസ്‌ട്രേഷൻ മാറ്റാനും ഡ്രൈവർ കാർഡ് എടുക്കാനും ഓഗസ്റ്റ് 27 വരെ ഇളവ്

11ലധികം പൊതു-സ്വകാര്യ സ്ഥാപനങ്ങൾ ഈ പദ്ധതിയുമായി സഹകരിക്കുന്നുണ്ട്. ഇതിന്റെ ഭാ​ഗമായി അൽ-ബാഹ നഗരത്തിലെ നടപ്പാതകൾ, പാർക്കുകൾ, റോഡുകളുടെ മധ്യഭാഗം എന്നിവിടങ്ങളിൽ തൈകൾ നട്ടുപിടിപ്പിക്കും. അത്യാധുനിക ജലസേചന രീതികളാണ് തൈകളുടെ ജലസേചനത്തിനായി ഉപയോ​ഗിക്കുന്നത്. ഇതിനായി മലിനജലം ശുദ്ധീകരിച്ച് ജലസേചനത്തിനായി ഉപയോഗിക്കുന്നത് 85 ശതമാനത്തിലധികം വർധിപ്പിക്കാനും മുനിസിപ്പാലിറ്റി ലക്ഷ്യമിടുന്നുണ്ട്. പച്ചപ്പ് വർധിപ്പിക്കുന്നതിലൂടെ ജനങ്ങളുടെ ജീവിതനിലവാരം മെച്ചപ്പെടുത്താനാണ് അധികൃതർ ലക്ഷ്യമിടുന്നത്. 

"Al-Baha Region launches a major afforestation initiative to plant over 20,000 native seedlings, involving 700+ volunteers and 11 organizations. The project aims to enhance sustainability and quality of life using advanced irrigation methods."