കൊല്ലം: കൊല്ലത്ത് യു.ഡി.എഫിന്റെ കലാശക്കൊട്ട് കഴിഞ്ഞ് മടങ്ങവെ ബിന്ദു കൃഷ്ണയുടെ മകന്റെ പേരിലുള്ള കാര്‍ ഇടിച്ച് കായിക താരങ്ങള്‍ക്ക് പരുക്കേറ്റ സംഭവത്തില്‍ പൊലിസ് കേസെടുത്തു. കാറോടിച്ച കെ.എസ്.യു പ്രവര്‍ത്തകന്‍ നെയ്യാറ്റിന്‍കര സ്വദേശി ദേവനന്ദനെതിരെയാണ് കേസെടുത്തത്. കൊല്ലം ഈസ്റ്റ് പൊലിസിന്റേതാണ് നടപടി. 

ദേവനന്ദന്‍ അടക്കം നാല് കെ.എസ്.യു പ്രവര്‍ത്തകരാണ് കാറിലുണ്ടായിരുന്നത്. ഭാരതീയ ന്യായ സംഹിതയിലെ 281, 125 (a), 125 (b),മോട്ടോര്‍ വെഹിക്കിള്‍ ആക്ട് 1988 ലെ 134 (A), 134 (B) വകുപ്പുകള്‍ പ്രകാരമാണ് കേസെടുത്തിരിക്കുന്നത്. 

ALSO READ: വാളയാര്‍ ആള്‍ക്കൂട്ടക്കൊല: പ്രതി വിനോദ് ജീവനൊടുക്കിയ നിലയില്‍; കോടതിയില്‍ ഹാജരാവാനിരിക്കെയാണ് മരണം

അമിതവേഗതയിലും അശ്രദ്ധവുമായാണ് പ്രതി വാഹനം ഓടിച്ചതെന്ന് എഫ്.ഐ.ആറില്‍ പറയുന്നു. KL 16 R 2935 നമ്പര്‍ കാറാണ് അപകടമുണ്ടാക്കിയതെന്നും എഫ്.ഐ.ആറില്‍ പറയുന്നു. പ്രതി നിലവില്‍ പൊലിസ് കസ്റ്റഡിയിലാണ്.

ലിങ്ക് റോഡിലുണ്ടായ അപകടത്തിലാണ് ഹോക്കി താരങ്ങളായ പെണ്‍കുട്ടികള്‍ക്ക് പരുക്കേറ്റത്. ഗുരുതരമായി പരുക്കേറ്റ രണ്ട് പെണ്‍കുട്ടികളിലൊരാള്‍ വെന്റിലേറ്ററിലാണ്. അമിതവേഗതയിലായിരുന്ന കാര്‍ നിയന്ത്രണം വിട്ട കാര്‍ ഫുട്പാത്തിലേക്ക് ഇടിച്ചുകയറുകയായിരുന്നു. ഫുട്പാത്തിന്റെ കൈവരി തകര്‍ന്ന് കുട്ടികള്‍ കായലിലേക്ക് വീണു.

In Kollam, a car allegedly driven by UDF workers hit a group of athletes, leaving them injured. Following the incident, a case has been registered against the driver. Authorities have begun an investigation to determine the circumstances leading to the accident, while the injured individuals are receiving medical treatment.