ഇറാനെതിരായ ആക്രമണം നിര്‍ത്തിവെക്കാനുള്ള യു.എസ് പ്രസിഡന്റ് ഡൊണാള്‍ഡ് ട്രംപിന്റെ തീരുമാനത്തെ പിന്തുണച്ച് ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹു. എന്നാല്‍ രണ്ടാഴ്ചത്തെ വെടിനിര്‍ത്തലില്‍ 'ലെബനാന്‍ ഉള്‍പ്പെടുന്നില്ല' നെതന്യാഹു  പറഞ്ഞു. 

'ഇറാന്‍ ഇനി അമേരിക്ക്ക്കും ഇസ്‌റാഈലിനും ഇറാന്റെ അറബ് അയല്‍ക്കാര്‍ക്കും ലോകത്തിനും ആണവ, മിസൈല്‍, ഭീകര ഭീഷണി ഉയര്‍ത്തുന്നില്ലെന്ന്' ഉറപ്പാക്കാനുള്ള യുഎസ് പ്രസിഡന്റ് ഡൊണാള്‍ഡ് ട്രംപിന്റെ ശ്രമങ്ങളെ ഇസ്‌റാഈല്‍ പിന്തുണക്കുന്നു- ബുധനാഴ്ച എക്സില്‍ നടത്തിയ പ്രസ്താവനയില്‍ നെതന്യാഹു പറഞ്ഞു. 
രണ്ടാഴ്ചത്തെ വെടിനിര്‍ത്തല്‍ ലെബനാന്‍ ഉള്‍പെടുന്നില്ലെന്നും ലെബനാനില്‍ ഇസ്‌റാഈല്‍ നടത്തുന്ന സൈനിക നടപടികളെ ഈ വെടിനിര്‍ത്തല്‍ ബാധിക്കില്ലെന്നും നെതന്യാഹു കൂട്ടിച്ചേര്‍ത്തു. 

ALSO READ: 'വെടിനിര്‍ത്തല്‍ യുദ്ധം അവസാനിച്ചതിന്റെ സൂചനയല്ല, ഞങ്ങളുടെ കൈകള്‍ ഇപ്പോഴും കാഞ്ചിയില്‍, കരാര്‍ ലംഘിക്കാന്‍ ശ്രമിച്ചാല്‍ കനത്ത തിരിച്ചടി' ഇറാന്‍ സുരക്ഷാ കൗണ്‍സിലിന്റെ മുന്നറിയിപ്പ്

അതേസമയം, ലെബനാന്‍ ഉള്‍പ്പെടെ പശ്ചിമേഷ്യന്‍ മേഖലയില്‍ എല്ലായിടത്തും വെടിനിര്‍ത്തല്‍ നിലവില്‍ വന്നതായാണ് ഇറാനും യു.എസിനുമിടയില്‍ മധ്യസ്ഥത വഹിച്ച പാക് പ്രധാനമന്ത്രി ഷെഹ്ബാസ് ഷെരീഫ് പ്രഖ്യാപിച്ചത്. ഇതിന് വിരുദ്ധമായ നിലപാടാണ് ഇപ്പോള്‍ നെതന്യാഹുവിന്റെ ഭാഗത്ത് നിന്നുണ്ടായിരിക്കുന്നത്. മേഖലയിലെ എല്ലാ സഖ്യകക്ഷികള്‍ക്കുമെതിരായ ആക്രമണം അവസാനിപ്പിക്കണമെന്ന ആവശ്യം തങ്ങളുടെ 10 ഇന വെടിനിര്‍ത്തല്‍ നിര്‍ദേശങ്ങളില്‍ ഇറാന്‍ മുന്നോട്ട് വെച്ചിട്ടുമുണ്ട്.

ALSO READ: ശത്രുതയല്ല, ഇനി പ്രശംസ; ചരിത്രത്തിലാദ്യമായി ദക്ഷിണ കൊറിയൻ ഭരണാധികാരിയെ പിന്തുണച്ച് ഉത്തരകൊറിയ

ഇറാന് നേരെ തീര്‍ത്തും ഏകപക്ഷീയമായി അമേരിക്കയും ഇസ്‌റാഈലും തുടങ്ങിവെച്ച് ആക്രമണമാണ് സംഘര്‍ഷത്തിലേക്ക് ലബനാനെ വലിച്ചിഴക്കുന്നത്. ഇറാന്റെ പരമോന്നത നേതാവ് ആയത്തുള്ള അലി ഖാംനഈയുടെ കൊലപാതകത്തിനും  2024 നവംബറില്‍ ലെബനനില്‍ ഇസ്‌റാഈല്‍ സമ്മതിച്ച വെടിനിര്‍ത്തല്‍ കരാര്‍ ദിവസേന ലംഘിച്ചതിനുമുള്ള പ്രതികാരമായാണ് ആക്രമണങ്ങളെന്നാണ് ഹിസ്ബുല്ല അന്ന് പ്രതികരിച്ചത്. 

ലെബനാനില്‍ ഇസ്‌റാഈല്‍ നിലവില്‍ വ്യാപക ആക്രമണമാണ് നടത്തുന്നത്. 1500ലേറെ പേരെയാണ് ലെബനാനില്‍ കൊലപ്പെടുത്തിയത്. 4430 പേര്‍ക്കാണ് പരുക്കേറ്റത്. 1.2 ദശലക്ഷം ജനങ്ങള്‍ തെരുവിലിറങ്ങേണ്ടി വന്നു. ലെബനാന്റെ 14 ശതമാനം ഭൂപ്രദേശവും ഇസ്‌റാഈല്‍ കയ്യേറിയതായും റിപ്പോര്‍ട്ടുകള്‍ സൂചിപ്പിക്കുന്നു. 

israeli prime minister benjamin netanyahu supports us president donald trump decision to halt attacks on iran but clarifies lebanon is not part of the two week ceasefire