മക്ക: ലോകത്തിലെ മികച്ച സ്മാർട്ട് സിറ്റികളുടെ പട്ടികയിൽ വൻ നേട്ടം കൈവരിച്ച് വിശുദ്ധ നഗരമായ മക്ക. ഇന്റർനാഷനൽ ഇൻസ്റ്റിറ്റ്യൂട്ട് ഫോർ മാനേജ്‌മെന്റ് ഡെവലപ്‌മെന്റ് പുറത്തുവിട്ട 2026ലെ സ്മാർട്ട് സിറ്റി ഇൻഡക്സിൽ ആഗോള തലത്തിൽ 50ാം സ്ഥാനമാണ് മക്ക കൈവരിരിക്കുന്നത്. നിലവിൽ സഊദിയിൽ റിയാദിന് പിന്നാലെ ദേശീയ തലത്തിൽ മൂന്നാം സ്ഥാനത്താണ് മക്ക. നഗരത്തിന്റെ ഡിജിറ്റൽ പരിവർത്തനത്തിൽ കൈവരിച്ച വൻ പുരോഗതിയാണ് ഈ നേട്ടത്തിന് പിന്നിലെന്ന് മക്ക റീജിയൻ മേയർ മുസായിദ് അൽ ദാവൂദ് പറഞ്ഞു.

ALSO READ: നിസ്‌കാര സമയം അറിയും, ഹൃദയമിടിപ്പ് നിരീക്ഷിക്കും; കൂട്ടംതെറ്റുന്നവരെ എളുപ്പത്തില്‍ കണ്ടെത്താം; ഹജ്ജ് തീര്‍ഥാടകര്‍ക്ക് സ്മാര്‍ട്ട് വാച്ചുമായി ഇന്ത്യന്‍ ഹജ്ജ് കമ്മിറ്റി | Hajj 2026

ആധുനിക സാങ്കേതികവിദ്യയുടെ സഹായത്തോടെ പൊതുസേവനങ്ങൾ സജ്ജമാക്കിയും, വിഭവങ്ങൾ പരമാവധി കാര്യക്ഷമമായി ഉപയോഗിച്ചതും, ബിസിനസ്സ് സൗഹൃദമായ അന്തരീക്ഷം സൃഷ്ടിക്കുകയും ചെയ്തതാണ് ഈ നേട്ടത്തിലെത്താൻ മക്കയെ സഹായിച്ചത്. നഗരവാസികളുടെയും സന്ദർശകരുടെയും ജീവിതനിലവാരം ഉയർത്താൻ അത്യാധുനിക സാങ്കേതിക വിദ്യകൾ എത്രത്തോളം പ്രയോജനപ്പെടുത്തുന്നു എന്നതിന്റെ അടിസ്ഥാനത്തിലാണ് ഐ.എം.ഡി സ്മാർട്ട് സിറ്റി സൂചിക തയ്യാറാക്കുന്നത്. മക്കയുടെ ഈ നേട്ടം വരും വർഷങ്ങളിൽ നഗരത്തിലേക്കുള്ള നിക്ഷേപങ്ങളെയും ടൂറിസത്തെയും കൂടുതൽ പ്രോത്സാഹിപ്പിക്കുമെന്നാണ് വിലയിരുത്തപ്പെടുന്നത്.

Makkah secures 50th position globally in the 2026 IMD Smart City Index, reflecting its massive growth in digital transformation and urban innovation.