തിരുവനന്തപുരം: വിഴിഞ്ഞം ആഴിമല കടല്‍തീരത്ത് പാറപ്പുറത്ത് നിന്ന് സെല്‍ഫിയെടുക്കവെ തിരയടിയേറ്റ് കടലില്‍ വീണ് യുവാവ് മരിച്ചു. പത്തനംതിട്ട ഇടയാറന്‍മുള പഞ്ചവടിയില്‍ അനീഷ്(45) ആണ് മരിച്ചത്. ഞായറാഴ്ച വൈകുന്നേരമായിരുന്നു അപകടം.

പത്തനംതിട്ട മാന്നാര്‍ സ്വദേശികളായ 17 അംഗ കുടുംബാംഗങ്ങളുള്‍പ്പെട്ട തീര്‍ഥാടക സംഘത്തിനൊപ്പമാണ് അനീഷ് എത്തിയത്. ഇവര്‍ സഞ്ചരിച്ച വാഹനം ഓടിച്ചിരുന്നത് അനീഷായിരുന്നു. ഇടയാറന്‍മുളയിനിന്നും തിരിച്ച് തിരിച്ചെന്തൂര്‍ കന്യാകുമാരി വഴി പത്മനാഭസ്വാമി ക്ഷേത്രത്തില്‍ ദര്‍ശനം കഴിഞ്ഞ  ശേഷം ഉച്ച കഴിഞ്ഞാണ് സംഘം ആഴിമലയില്‍ എത്തിയത്. 

അനീഷ് പാറപ്പുറത്ത് കയറി സെല്‍ഫി എടുക്കുന്നതിനിടെ അപ്രതീക്ഷിതമായി വീശിയടിച്ച തിരയില്‍പ്പെട്ട് കടലിലേക്ക് വീഴുകയായിരുന്നുവെന്ന് ബന്ധുക്കള്‍ പറഞ്ഞു. ഉടന്‍ തന്നെ രക്ഷാപ്രവര്‍ത്തനം നടത്തിയെങ്കിലും ജീവന്‍ രക്ഷിക്കാനായില്ല. മൃതദേഹം ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടത്തിന് ശേഷം കുടുംബത്തിന് വിട്ടുനല്‍കും.
 

A tragic incident occurred at Azhimala Beach where a युवक lost his life after being swept into the sea by strong waves while attempting to take a selfie on rocks. The sudden surge of waves knocked him off balance, leading to the fatal accident. The incident highlights the dangers of venturing onto rocky coastal areas and underscores the need for greater caution and safety awareness among visitors.