കൊച്ചി: വല്ലാര്‍പാടം ജൂതനടപ്പില്‍ മദ്യലഹരിയില്‍ മകന്‍ അച്ഛനെ തല്ലിച്ചതച്ചു. കന്‍ പ്രവീണ്‍(42) ആണ് അച്ഛന്‍ പുരുഷനെ(68) ആക്രമിച്ചത്. ഗുരുതരമായി പരുക്കേറ്റ പുരുഷന്‍ ആശുപത്രിയില്‍ ചികിത്സ തേടി. പുരുഷനെ മര്‍ദിക്കുന്നതിന്റെ വിഡിയോ ദൃശ്യങ്ങള്‍ പുറത്തുവന്നു. ഞായറാഴ്ച്ചയാണ് സംഭവം നടന്നത്. വീഡിയോ പകര്‍ത്തിയത് ആരെന്ന് വ്യക്തമായിട്ടില്ല.  

താഴെ വീണ പുരുഷനെ പ്രവീണ്‍ ക്രൂരമായി ആക്രമിക്കുകയായിരുന്നു. നെഞ്ചിലും മുതുകിലും ആയിരുന്നു ആക്രമണം. കുടുംബത്തിനുള്ളില്‍ മുന്‍പും ഇത്തരം പ്രശ്‌നങ്ങള്‍ ഉണ്ടായിരുന്നുവെന്ന് പരിസരവാസികള്‍ പറയുന്നു. മകന്‍ പ്രവീണിനെതിരേ മുന്‍പും പൊലിസ് കേസെടുത്തിരുന്നുവെന്നും നാട്ടുകാര്‍ പറയുന്നു. മുന്‍പ് പല തവണ തര്‍ക്കങ്ങളും ഉണ്ടായിട്ടുണ്ടെന്നും, രണ്ട് തവണ കേസുകള്‍ രജിസ്റ്റര്‍ ചെയ്തിരുന്നുവെന്നും പൊലിസ് പറയുന്നു. അന്നത്തെ സംഭവങ്ങളില്‍ പ്രതിയായ പ്രവീണിനെതിരേ നടപടി സ്വീകരിക്കുകയും ചെയ്തിരുന്നു. എന്നാല്‍ പ്രശ്‌നങ്ങള്‍ അവസാനിക്കാതെ തുടരുന്നതിനിടെയാണ് കഴിഞ്ഞ ദിവസം വീണ്ടും ക്രൂരമായ ആക്രമണം ഉണ്ടായത്. 

സംഭവത്തില്‍ പ്രവീണിനെതിരെ പൊലിസ് കേസെടുത്തു. ഒളിവില്‍ പോയ പ്രതിക്കായി പൊലിസ് തെരച്ചില്‍ തുടങ്ങി.  ബന്ധപ്പെട്ടവരുടെ മൊഴികള്‍ രേഖപ്പെടുത്തി വരികയാണ്. മകന്‍ മദ്യപിച്ചതിനെ തുടര്‍ന്നുണ്ടായ പ്രശ്‌നമാണെന്നും ഇയാളെ ഡി അഡിക്ഷന്‍ സെന്ററിലേക്ക് മാറ്റുമെന്നും പൊലിസ് പറഞ്ഞു. ദൃശ്യങ്ങള്‍ ഉള്‍പ്പെടെയുള്ള തെളിവുകള്‍ പരിശോധിച്ചായിരിക്കും പ്രതിക്കെതിരേ കൂടുതല്‍ നിയമനടപടികള്‍ സ്വീകരിക്കുക.

A shocking incident has emerged from Vallarpadam where a son allegedly assaulted his father in a brutal manner. Visuals of the incident have surfaced, drawing widespread concern and outrage. Authorities have taken note of the matter and are expected to initiate legal action. The incident highlights growing concerns over domestic violence and the need for timely intervention in such cases.