ആലപ്പുഴ:  ഹരിപ്പാടില്‍ ചിക്കന്‍ ഫ്രൈഡ് റൈസില്‍ ചിക്കനില്ലെന്ന് ആരോപിച്ച് ഹോട്ടല്‍ തല്ലിത്തകര്‍ത്ത യുവാവിനെതിരെ അന്വേഷണം ഊര്‍ജിതമാക്കി പൊലിസ്. ഹരിപ്പാട് നഗരത്തില്‍ പ്രവര്‍ത്തിക്കുന്ന 'ചിക്കന്‍ ചിക്കാഗോ' എന്ന ഹോട്ടലിന് നേരെയാണ് ആക്രമണമുണ്ടായത്. 

കഴിഞ്ഞദിവസം വൈകീട്ട് കടയിലെത്തിയ യുവാവ് ചിക്കന്‍ ഫ്രൈഡ് റൈസ് ഓര്‍ഡര്‍ ചെയ്തു. ശേഷം തനിക്ക് ലഭിച്ച റൈസില്‍ ചിക്കനില്ലെന്ന് ആരോപിച്ച് യുവാവ് ജീവനക്കാരിയുമായി തര്‍ക്കത്തിലേര്‍പ്പെടുകയായിരുന്നു. തര്‍ക്കം രൂക്ഷമായതോടെ പ്രതി ജീവനക്കാരിയെ മര്‍ദിക്കുകയും, ഹോട്ടലിലെ കമ്പ്യൂട്ടര്‍ അടക്കമുള്ള സാമഗ്രികള്‍ അടിച്ച് തകര്‍ക്കുകയും ചെയ്തു. സംഭവത്തില്‍ ഹോട്ടലിലെ സിസിടിവി ദൃശ്യങ്ങള്‍ ശേഖരിച്ച പൊലിസ് പ്രതിക്കായി അന്വേഷണം ഊര്‍ജിതമാക്കിയിട്ടുണ്ട്.

ALSO READ: പോസ്റ്റല്‍ ബാലറ്റ് പ്രതിസന്ധി: തെരഞ്ഞെടുപ്പ് കമ്മീഷനോട് വിശദീകരണം തേടി ഹൈക്കോടതി, ചൊവ്വാഴ്ചക്കകം മറുപടി നല്‍കണം