പേരാമ്പ്ര: പാലേരിയില്‍ കുറ്റ്യാടിപ്പുഴയില്‍ കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു. തിരുവള്ളൂര്‍ പാലോളിപ്പറമ്പ് സ്വദേശി ബാലന്‍-ഷിജി ദമ്പതികളുടെ മകന്‍ സിദ്ധാര്‍ത്ഥ് (15) ആണ് മരിച്ചത്. പാലേരി കൂനിയോട് താന്തോന്നിക്കടവ് ഭാഗത്ത് ശനിയാഴ്ച രാവിലെ ഒന്‍പത് മണിയോടെയായിരുന്നു അപകടം.

പാലേരിയിലുള്ള അമ്മയുടെ വീട്ടില്‍  മരണാനന്തര ചടങ്ങില്‍ പങ്കെടുക്കാന്‍ എത്തിയതായിരുന്നു സിദ്ധാര്‍ത്ഥ്. രാവിലെ അമ്മയ്ക്കും മറ്റ് രണ്ട് കുട്ടികള്‍ക്കുമൊപ്പം പുഴയില്‍ ഇറങ്ങിയ സിദ്ധാര്‍ത്ഥ് അപകടത്തില്‍പെടുകയായിരുന്നു. 

കൂടെയുള്ളവരുടെ നിലവിളി കേട്ട് ഓടിക്കൂടിയ നാട്ടുകാര്‍ ഉടന്‍ തന്നെ കുട്ടിയെ കരയ്‌ക്കെത്തിച്ചെങ്കിലും മരണപ്പെട്ടിരുന്നു. 

തിരുവള്ളൂര്‍ ശാന്തിനികേതന്‍ ഹയര്‍ സെക്കന്‍ഡറി സ്‌കൂളിലെ പത്താം ക്ലാസ് വിദ്യാര്‍ഥിയായിരുന്നു സിദ്ധാര്‍ത്ഥ്. എസ്.എസ്.എല്‍.സി പരീക്ഷ എഴുതി ഫലം കാത്തിരിക്കെയാണ്  ദാരുണഅന്ത്യം സംഭവിച്ചത്.

മൃതദേഹം നിലവില്‍ പേരാമ്പ്ര താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. നടപടികള്‍ പൂര്‍ത്തിയാക്കിയ ശേഷം ബന്ധുക്കള്‍ക്ക് വിട്ടുനല്‍കും.

A tragic incident occurred at Kuttiyadi River where a student drowned while bathing. The incident has shocked the local community, with rescue efforts launched soon after the accident. Authorities are expected to investigate the circumstances, while the tragedy highlights the importance of water safety and caution in rivers and other natural water bodies.