ആത്മീയതയുടെ അനിര്‍വചനീയമായ അനുഭൂതി നുകര്‍ന്ന് നിര്‍വൃതിയടഞ്ഞ വിശ്വാസിക്ക് സന്തോഷത്തിന്റെ സുദിനമായെത്തിയ ബലിപെരുന്നാള്‍ പുലരിയില്‍ ആശംസകള്‍ നേർന്ന് കോഴിക്കോട് മുഖ്യഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി. 

ആത്മസമര്‍പ്പണത്തിന്റെയും ആത്മത്യാഗത്തിന്റെയും മഹല്‍ പ്രതീകമായി നമുക്ക് മുന്നില്‍ വഴികാട്ടിയ ഖലീലുല്ലാഹി ഇബ്‌റാഹിം നബിയെയും മഹതി ഹാജറാ ബീവിയെയും മകന്‍ ഇസ്മാഈല്‍ നബിയെയും അനുസ്മരിക്കലാണ് ഓരോ ഹജ്ജിലൂടെയും ബലിപെരുന്നാള്‍ കർമങ്ങളിലൂടെയും ചെയ്യുന്നത്.
പരസ്പര സ്‌നേഹവും മാനവ സാഹോദര്യവും നിലനിര്‍ത്താനും കുടുംബബന്ധങ്ങള്‍ ഊട്ടിയുറപ്പിക്കാനും സഹജീവികളോട് സഹനവും കാരുണ്യവും കാണിക്കാനും ഈ സുദിനത്തില്‍ പ്രതിജ്ഞ പുതുക്കണമെന്നും തങ്ങൾ പറഞ്ഞു.