കൊച്ചി: ബെംഗളുരുവില്‍ മതിലിടിഞ്ഞുണ്ടായ അപകടത്തില്‍ മരിച്ച കുടുംബശ്രീ പ്രവര്‍ത്തകരുടെ മൃതദേഹം 12 മണിയോടെ നാട്ടിലെത്തിക്കും. എറണാകുളം രാമമംഗലത്താണ് മൃതദേഹങ്ങള്‍ എത്തിക്കുക. 

ഇന്നലെയാണ് ബെംഗളൂരു ബൗറിങ് ആശുപത്രിയുടെ മതില്‍ കനത്ത മഴയില്‍ ഇടിഞ്ഞുവീണ് അപകടമുണ്ടായത്. സംഭവത്തില്‍ മൂവാറ്റുപുഴ കുടുംബശ്രീയുടെ അംഗങ്ങളായ ലത, സ്മിത എന്നിവര്‍ മരിച്ചിരുന്നു. മഴ നനഞ്ഞപ്പോള്‍ മതിലിനോട് ചേര്‍ന്നുള്ള ടാര്‍പോളിന്‍ ഷീറ്റിന് കീഴില്‍ നിന്നവരാണ് അപകടത്തില്‍പ്പെട്ടത്. ഉടന്‍ തന്നെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.