കളമശേരി നിയമസഭാ മണ്ഡലത്തിന്റെ സ്‌ട്രോങ് റൂമിന്റെ താക്കോല്‍ കാണാനില്ല. പൂട്ട് പൊളിച്ച് സ്‌ട്രോങ് റൂം തുറക്കുകയാണ് ചെയ്തത്. കളമശേരി, വൈപ്പിന്‍, കൊച്ചി,  എറണാകുളം, തൃപ്പൂണിത്തുറ, തൃക്കാക്കര മണ്ഡലങ്ങളിലെ വോട്ടെണ്ണല്‍ യന്ത്രങ്ങളാണ് കളമശേരി കുസാറ്റിലെ സ്‌ട്രോങ് റൂമുകളില്‍ സൂക്ഷിച്ചിരിക്കുന്നത്. ഇതുവരെ ഉണ്ടാകാത്ത സാഹചര്യമാണ് ഉണ്ടായിരിക്കുന്നത്. 

അതേ സമയം, കളമശ്ശേരി പോസ്റ്റല്‍ ബാലറ്റ് പുറത്തേക്ക് എത്തിച്ചു. പോസ്റ്റല്‍ വോട്ടുകള്‍ സൂക്ഷിച്ച മുറിയും മറ്റൊരു മുറിയും തുറന്നിട്ടുണ്ട്. 

ഇവിഎം മെഷിനുകളിലെ വോട്ടുകള്‍ എട്ടരയോടെ എണ്ണിത്തുടങ്ങും. 9 മണിയോടെ ആദ്യ ഫല സൂചനകള്‍ ലഭ്യമായി തുടങ്ങും. 10 വര്‍ഷത്തെ ഇടവേളയ്ക്ക് ശേഷം മികച്ച ഭൂരിപക്ഷത്തോടെ അധികാരത്തില്‍ തിരിച്ചെത്താം എന്ന ആത്മവിശ്വാസത്തിലാണ് യുഡിഎഫ്.