നിയമസഭാ തെരഞ്ഞെടുപ്പിലെ ഫലങ്ങള്‍ പുറത്തുവരുമ്പോള്‍ കേരളത്തില്‍ യു.ഡി.എഫ് തരംഗം. എല്‍.ഡി.എഫ് കോട്ടകളടക്കം തകര്‍ത്ത് വ്യക്തമായ ലീഡോടെയാണ് യു.ഡി.എഫ് മുന്നേറുന്നത്. യു.ഡി.എഫ് ക്യാംപില്‍ ആഘോഷങ്ങള്‍ തുടങ്ങിക്കഴിഞ്ഞു.

യു.ഡി.എഫിന്റെ പ്രമുഖ നേതാക്കളെല്ലാം ലീഡ് നേടി മുന്നേറുകയാണ്. ആദ്യഫലസൂചനകള്‍ പുറത്തുവരുമ്പോള്‍ നിലവിലെ മന്ത്രിമാര്‍ കൂട്ടത്തോടെ പിന്നില്‍. പത്തനാപുരത്ത് ജ്യോതികുമാര്‍ ചാമക്കാലയോട് 1000 വോട്ടിന് ഗണേഷ് കുമാര്‍ പിന്നിലാണ്. തൃത്താലയില്‍ എം.ബി രാജേഷും കളമശേരിയില്‍ പി രാജീവും പിന്നിലാണ്.

ഇരിങ്ങാലക്കുടയില്‍ മന്ത്രി ആര്‍ ബിന്ദു കേരള കോണ്‍ഗ്രസിന്റെ തോമസ് ഉണ്ണിയാടനെക്കാള്‍ പിറകിലാണ്. മറ്റ് മന്ത്രിമാരായ വി.എന്‍ വാസവന്‍, രാമചന്ദ്രന്‍ കടന്നപ്പള്ളി, ചിഞ്ചുറാണി, റോഷി അഗസ്റ്റില്‍, ആര്‍ ബിന്ദു, വി ശിവന്‍കുട്ടി തുടങ്ങിയവരെല്ലാം പിന്നിലാണ്.

മന്ത്രി സജി ചെറിയാന്‍, പി. പ്രസാദ്, മുഹമ്മദ് റിയാസ് കെ രാജന്‍ എന്നിവരെല്ലാം മുന്നിലാണ്. 

അതേസമയം, മുഖ്യമന്ത്രി പിണറായി വിജയന്‍ ധര്‍മ്മടത്ത് ഒരുവേള പിന്നിലായി. ക്യാപ്റ്റന്റെ കണക്ക് തെറ്റുന്ന കാഴ്ച്ചയാണ് കാണുന്നത്. എല്‍.ഡി.എഫ് കണ്‍വീനര്‍ ടി.പി രാമകൃഷ്ണന്‍ മത്സരിക്കുന്ന പേരാമ്പ്രയില്‍ ഫാത്തിമ തഹിലിയ മുന്നിലാണ്.