പാപ്പിനിശ്ശേരി: ദേശീയപാതയില്‍ വളപട്ടണംപാലം ടോള്‍ ബൂത്ത് ജുമാമസ്ജിദിനു സമീപം കാറും ബൈക്കും കൂട്ടിയിടിച്ച് യുവാവിന് പരുക്കേറ്റു. ബൈക്ക് യാത്രക്കാരനായ കണ്ണപുരം ചുണ്ട സ്വദേശിയും ഇരിണാവ് കൊട്ടപ്പാലത്ത് വര്‍ക്‌ഷോപ്പ് തൊഴിലാളിയുമായ അര്‍ജുന്‍ (24)നാണ് പരുക്കേറ്റത്.
കാലിന് ഗുരുതരമായി പരുക്കേറ്റ അര്‍ജുനെ കണ്ണൂര്‍ കൊയിലി ആശുപത്രിയില്‍ പ്രവേശിപ്പിച്ചു. ഇന്നലെ വൈകുന്നേരം 4.45ന് തളിപ്പറമ്പ് ഭാഗത്തേക്ക് പോകുകയായിരുന്ന ബൈക്കും കണ്ണൂര്‍ ഭാഗത്തേക്ക് പോകുകയായിരുന്ന കാറുമാണ് കൂട്ടിയിടിച്ചത്. അപകടത്തില്‍ ബൈക്ക് പൂര്‍ണമായും കാര്‍ ഡ്രൈവറിന്റെ ഭാഗവും തകര്‍ന്നു. അപകടത്തെ തുടര്‍ന്ന് ദേശീയപാതയില്‍ ഗതാഗതം തടസപ്പെട്ടു. വളപട്ടണം പൊലിസ് സ്ഥലത്തെത്തി.