തൃശൂര്‍: പുലി കളിയുടെ ആവേശത്തോടെ ഓണാഘോഷങ്ങള്‍ത്ത് സമാപനമായി. അറുനൂറോളം മനുഷ്യപ്പുലികളാണ് പൂരനഗരിയെ ഹരം കൊള്ളിച്ചത്. ചരിത്രത്തിലാദ്യമായി പെണ്‍പുലികളും ഇറങ്ങിയെന്നതാണ് ഇപ്രാവശ്യത്തെ പ്രത്യേകത.

കരിമ്പുലി, വരയന്‍ പുലി, പുള്ളിപ്പുലി എന്നീ പതിവ് പുലികള്‍ക്ക് പകരം ഇത്തവണ പുലിവരയിലും പുലിമുഖത്തിലും ഏറെ പുതുമ പുലര്‍ത്തി. അയ്യന്തോള്‍ ദേശം, വിയ്യൂര്‍ ദേശം, നായ്ക്കനാല്‍ പുലിക്കളി സംഘം, തൃക്കുമാരകുടം ശ്രീഭദ്ര ക്ലബ്, കുട്ടന്‍കുളങ്ങര പുലിക്കളി സംഘം, മൈലിപ്പാടം ദേശം, വടക്കേ അങ്ങാടി ദേശം, പാട്ടുരായ്ക്കല്‍ പുലിക്കളി കമ്മറ്റി, കൊക്കാലെ സാന്റോസ് ക്ലബ്, പൂങ്കുന്നം വിവേകാനന്ദ എന്നി പത്ത് പുലിക്കളി കൂട്ടങ്ങളാണ് കാണികളെ കീഴടക്കിയത്.