പാറ്റ്‌ന: ബിഹാറില്‍ കാറിന് സൈഡ് കൊടുക്കാത്തതിന് യുവാവിനെ കുത്തിപ്പരുക്കേല്‍പ്പിച്ച ആര്‍.ജെ.ഡി എം.എല്‍.എ ബീരേന്ദ്ര സിന്‍ഹയുടെ മകന്‍ കുണാലിലെ പൊലിസ് അറസ്റ്റു ചെയ്തു. വെള്ളിയാഴ്ച രാത്രി ബീഹാറിലെ ഔറംഗബാദിലാണ് സംഭവം. പരുക്കേറ്റ കുമാര്‍ എന്ന യുവാവ് സര്‍ക്കാര്‍ ആശുപത്രിയില്‍ ചികിത്സയിലാണ്.
എന്നാല്‍ മകനെതിരേയുള്ള ആരോപണം സിന്‍ഹ നിഷേധിച്ചു. തന്റെ മകന് സംഭവത്തില്‍ പങ്കില്ലെന്നും മകന്‍ നിരപരാധിയാണെന്നും അദ്ദേഹം പറഞ്ഞു. യുവാവ് സ്വയം കുത്തി പരുക്കേല്‍പ്പിച്ചതാണെന്നും സിന്‍ഹ പറഞ്ഞു.