കൊച്ചി: ക്രിക്കറ്റ് അസോസിയേഷന്‍ ഫോര്‍ ദി ബ്ലൈന്‍ഡിന്റെ  ടി20 പരമ്പരയിലെ ആദ്യ മത്സരത്തില്‍ കേരളത്തിന് എട്ടുവിക്കറ്റ് വിജയം.
ആലുവ ബ്ലൈന്‍ഡ് സ്‌കൂള്‍ ഗ്രൗണ്ടില്‍ നടന്ന മത്സരത്തില്‍ കേരളം ബംഗാളിനെയാണ് തോല്‍പിച്ചത്. ടോസ് നേടി ബാറ്റിങ് തെരഞ്ഞെടുത്ത ബംഗാളിന് നിശ്ചിത ഓവറില്‍ നാല് വിക്കറ്റ് നഷ്ടത്തില്‍ 199 റണ്‍സെടുക്കാനേ കഴിഞ്ഞുള്ളൂ.
മറുപടി ബാറ്റിങ്ങിനിറങ്ങിയ കേരളം മുഹമ്മദ് ഫര്‍സാന്റെ സെഞ്ച്വറിയുടെ മികവില്‍ രണ്ടു വിക്കറ്റ് മാത്രം നഷ്ടപ്പെടുത്തി ലക്ഷ്യം കണ്ടു. 57 പന്തില്‍ 133 റണ്‍സെടുത്ത് പുറത്താകാതെ നിന്ന മുഹമ്മദ് ഫര്‍സാനാണ് കളിയിലെ താരം. അജീഷ് 32 റണ്‍സെടുത്തു.
ബംഗാളിന് വേണ്ടി സുര്‍ജിത്ത് ഗാറ സെഞ്ചുറി നേടി. മാന്‍ഡു ദാസ് 34 റണ്‍സെടുത്തു. ബംഗാളിനെതിരായ മൂന്ന് മത്സരങ്ങളടങ്ങിയ പരമ്പരയിലെ രണ്ടാം മത്സരം ഇന്ന് രാവിലെ ഏഴിന് നടക്കും. രാവിലെ 11.30നാണ് മൂന്നാം മത്സരം.