മുംബൈ: പാര്‍ക്ക് ചെയ്തിരുന്ന കാറിന്റെ എയര്‍ബാഗ് പൊട്ടിത്തെറിച്ച് യുവാവ് മരിച്ചു. മുംബൈയ്ക്ക് സമീപം മീരാറോഡില്‍ സെക്കന്‍ഡ്ഹാന്‍ഡ് കാര്‍ ഡീലറായ മോഹിത് സോണിയാണ് മരിച്ചത്.  കാറിന്റെ സീറ്റിലിരുന്ന വാഹനം പരിശോധിക്കവെ സ്റ്റിയറിങ് വീല്‍ എയര്‍ബാഗ് അപ്രതീക്ഷിതമായി പൊട്ടിത്തെറിക്കുകയായിരുന്നു. പ്ലാസ്റ്റിക് കവചം കഴുത്തില്‍ മുറുകി രക്തം വാര്‍ന്നാണ് യുവാവ് മരിച്ചത്. 

കാറിനുള്ളില്‍ യുവാവ് ചോരയില്‍ കുളിച്ചുകിടക്കുന്നത് കണ്ട ഒരു വഴിയാത്രക്കാരനാണ് വിവരം പ്രദേശവാസികളെ അറിയിച്ചത്. തുടര്‍ന്ന് നാട്ടുകാര്‍ പൊലിസില്‍ വിവരമറിയിക്കുകയായിരുന്നു. കാഷിമിര പൊലിസ് ഉടനടി സ്ഥലത്തെത്തി സോണിയെ വാഹനത്തില്‍ നിന്ന് പുറത്തെടുത്ത് ആശുപത്രിയില്‍ എത്തിച്ചെങ്കിലും ഡോക്ടര്‍മാര്‍ മരണം സ്ഥിരീകരിച്ചു. 

പ്രാഥമിക പരിശോധനയില്‍ വാഹനം മറ്റൊന്നുമായും കൂട്ടിയിടിച്ചതിന്റെയോ പുറത്തുനിന്ന് കേടുപാടുകള്‍ സംഭവിച്ചതിന്റെയോ ലക്ഷണങ്ങളൊന്നും കണ്ടെത്തിയിട്ടില്ലെന്ന് സീനിയര്‍ പൊലിസ് ഇന്‍സ്‌പെക്ടര്‍ രാജേന്ദ്ര കാംബ്ലെ പറഞ്ഞു. അസ്വഭാവിക മരണത്തിന് കേസെടുത്ത പൊലിസ് സാങ്കേതിക വിദഗ്ധരുടെ സഹായം തേടിയിട്ടുണ്ട്. 

A young man died in a tragic incident after the airbag of a parked car unexpectedly deployed. The circumstances that triggered the airbag activation are under investigation, with authorities examining the vehicle to determine the exact cause.