കണ്ണൂര്‍: കണ്ണൂര്‍ പട്ടാനൂരില്‍ രണ്ടാം ക്ലാസ് വിദ്യാര്‍ഥിയെ മര്‍ദിച്ച സംഭവത്തില്‍ അധ്യാപകനെതിരേ പൊലിസ് കേസെടുത്തു. പട്ടാന്നൂര്‍ യുപി സ്‌കൂള്‍ വിദ്യാര്‍ഥിക്കാണ് മര്‍ദനമേറ്റത്. അധ്യാപകനായ വിപിനെതിരെയാണ് മട്ടന്നൂര്‍ പൊലിസ് കേസെടുത്തത്. ബോര്‍ഡില്‍ എഴുതിയത് പകര്‍ത്തി എഴുതാന്‍ വൈകിയതിന് അധ്യാപകന്‍ കൈ കൊണ്ട് മുതുക് ഭാഗത്ത് മര്‍ദിക്കുകയായിരുന്നുവെന്നാണ് പരാതി. ഈ മാസം 16 നാണ് സംഭവം.

അധ്യാപകന്‍ കുട്ടിയുടെ തോളില്‍ കൈകൊണ്ട് നാല് തവണ അടിച്ചതായാണ് എഫ്‌ഐആറില്‍ പറയുന്നത്. മര്‍ദനത്തെ തുടര്‍ന്ന് കുട്ടിയുടെ ശരീരത്തില്‍ നീര്‍ക്കെട്ടും ചതവും കണ്ടെത്തി. ആശുപത്രിയില്‍ ചികിത്സയ്‌ക്കെത്തിയപ്പോഴാണ് രക്ഷിതാക്കള്‍ സംഭവത്തെക്കുറിച്ച് അറിയുന്നത്.

ALSO READ: മന്ത്രി മറുപടി നല്‍കുന്നതിനിടെ ഇടപെട്ട് മറ്റൊരുമന്ത്രി; ഫിഷറിസ് മന്ത്രിക്ക് കഴിവുകേടോ എന്ന് പിണറായി- സഭയില്‍ ബഹളം 

കുട്ടിയുടെ മാതാവ് നല്‍കിയ പരാതിയുടെ അടിസ്ഥാനത്തിലാണ് പൊലിസ് കേസെടുത്തത്. കുട്ടിയെ കരുതിക്കൂട്ടി ആക്രമിച്ചെന്നാണ് എഫ്‌ഐആറില്‍ വ്യക്തമാക്കുന്നത്.

സംഭവത്തിന് പിന്നാലെ സ്‌കൂള്‍ അധികൃതര്‍ കുട്ടിയെ മറ്റൊരു ഡിവിഷനിലേക്ക് മാറ്റി. കേസില്‍ വിശദമായ അന്വേഷണം തുടരുകയാണെന്ന് പൊലിസ് അറിയിച്ചു.

Police have registered a case against a teacher for beating a Class 2 student in Pattannur, Kannur.The incident occurred at Pattannur UP School, where the student was allegedly assaulted by teacher Vipin. Mattannur Police have filed the case against him.