തലശ്ശേരി: കതിരൂര്‍ ആറാംമൈലില്‍ മോഷണത്തിന് എത്തിയതെന്നു സംശയിക്കുന്ന കെ.എല്‍ 58 ആര്‍ 5369 കോള്‍ ടാക്‌സി നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു. സംഭവം സംബന്ധിച്ച് കതിരൂര്‍ ആറാംമൈലിലെ ഷലീലിന്റെ പരാതിയില്‍ പൊലിസ് കേസെടുത്തു. മട്ടന്നൂര്‍ ഭാഗത്ത് നിന്നു രണ്ടുപേര്‍ തലശ്ശേരിയിലേക്കാണെന്നു പറഞ്ഞാണ് കോള്‍ ടാക്‌സി വിളിച്ചതെന്നു ഡ്രൈവര്‍ പൊലിസിനു മൊഴി നല്‍കി. പരാതിക്കാരന്റെ വീട്ടില്‍ വളര്‍ച്ചയെത്തിയ ചന്ദനമരം മോഷ്ടിക്കാന്‍ എത്തിയതാണെന്നു സംശയിക്കുന്നു. അര്‍ധരാത്രിയിലാണു വാഹനം ശ്രദ്ധയില്‍പ്പെട്ടത്.