പാനൂര്‍: നാഗരികതയുടെ നിര്‍മിതിയില്‍ വിശ്വകര്‍മജര്‍ വഹിച്ച പങ്ക് നിസ്തുലമാണെങ്കിലും അവര്‍ക്ക് അര്‍ഹതപ്പെട്ട അംഗീകാരം ലഭിച്ചിട്ടില്ലെന്ന് മുല്ലപ്പള്ളി രാമചന്ദ്രന്‍ എം.പി. വിശ്വകര്‍മ സൊസൈറ്റി തലശേരി താലൂക്ക് കമ്മിറ്റിയുടെ നേതൃത്വത്തില്‍ കടവത്തൂരില്‍ നടന്ന വിശ്വകര്‍മ ദിനാഘോഷ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. പി.കെ ശ്രീധരന്‍ അധ്യക്ഷനായി. ബ്ലോക്ക് പഞ്ചായത്തംഗം സമീര്‍ പറമ്പത്ത് മുഖ്യാതിഥിയായി. വി.എസ്.എസ് സംസ്ഥാന വൈസ് പ്രസിഡന്റ് ബാലന്‍ മുരിങ്ങോളി മുഖ്യപ്രഭാഷണം നടത്തി. ശിവന്‍ പള്ളിക്കണ്ടി, പി.വി ഉണ്ണികൃഷ്ണന്‍, വി.വി പവിത്രന്‍, കെ സുമിത്ര, പി പത്മനാഭന്‍, കെ വേണുഗോപാലന്‍, എം ശ്രീജ, കെ നാരായണന്‍, കെ.കെ ദാമോദരന്‍ സംസാരിച്ചു.