പാനൂര്‍: മന്ത്രി കെ.കെ ശൈലജയുടെ കൂത്തുപറമ്പ് മണ്ഡലത്തിലെ ക്യാംപ് ഓഫിസ് പാനൂരില്‍ പ്രവര്‍ത്തനം ആരംഭിച്ചു.
പാനൂര്‍ നഴ്‌സിങ് ഹോമിന് മുന്‍വശത്തെ കെട്ടിടത്തില്‍ മന്ത്രി ശൈലജ ഓഫിസ് ഉദ്ഘാടനം ചെയ്തു.
നഗരസഭാധ്യക്ഷ കെ.വി റംല അധ്യക്ഷയായി.
ബ്ലോക്ക് പഞ്ചായത്ത് പ്രസിഡന്റുമാരായ കെ.ഇ കുഞ്ഞബ്ദുല്ല, എ അശോകന്‍, കൂത്തുപറമ്പ് നഗരസഭാ ചെയര്‍മാന്‍ എം സുകുമാരന്‍, പഞ്ചായത്ത് പ്രസിഡന്റുമാരായ കരുവാങ്കണ്ടി ബാലന്‍, കാട്ടൂര്‍ മുഹമ്മദ്, ടി ഷബ്‌ന, വി ബാലന്‍, വി സുരേന്ദ്രന്‍, പി.കെ ഷാഹുല്‍ ഹമീദ്, പി ഹരീന്ദ്രന്‍, എന്‍ ധനഞ്ജയന്‍, വി.പി സുരേന്ദ്രന്‍, കെ.വി ഗംഗാധരന്‍, ഹസന്‍ പയ്യട, ശിവപ്രസാദ്, പി പ്രഭാകരന്‍, ഇ വിജയന്‍, എ.വി ബാലന്‍ സംസാരിച്ചു.