കണ്ണൂര്‍: നാറാത്ത് കാക്കത്തുരുത്തി ബോട്ട് ക്ലബ് സംഘടിപ്പിക്കുന്ന രണ്ടാമത് ഉത്തരകേരളാ വള്ളംകളി മത്സരം കാട്ടാമ്പള്ളി ജലോത്സവം നാളെ നടക്കും. ഉച്ചയ്ക്കു രണ്ടിന് കെ.കെ രാഗേഷ് എം.പി ഉദ്ഘാടനം ചെയ്യും. കെ.എം ഷാജി എം.എല്‍.എ അധ്യക്ഷനാകും.
25, 15 ആള്‍ വീതം തുഴയുന്ന രണ്ടു മത്സരങ്ങളാണുണ്ടാവുക. കണ്ണൂര്‍, കാസര്‍കോട് ജില്ലകളില്‍ നിന്നുള്ള ഒന്‍പതു ടീമുകള്‍ പങ്കെടുക്കും. ജലഘോഷയാത്ര, സ്ത്രീകളുടെ തോണിതുഴയല്‍ പ്രദര്‍ശന മത്സരം, വട്ടത്തോണി തുഴയല്‍ എന്നിവ നടക്കുമെന്നു പി ശിവദാസ്, കെ.എം ജയപ്രകാശ് ലാല്‍, കെ.പി സുനില്‍കുമാര്‍, സി.ടി ബാബുരാജ് എന്നിവര്‍ വാര്‍ത്താസമ്മേളനത്തില്‍ അറിയിച്ചു.