ഈരാറ്റുപേട്ട: വാഗമണ്‍ റോഡില്‍ നിയന്ത്രണം വിട്ട കാര്‍ തലകീഴായി മറിഞ്ഞു. വാഹനമോടിച്ചിരുന്ന കടുത്തുരുത്തി വേലംപറമ്പില്‍ അപ്പച്ചന്‍ അത്ഭുതകരമായി രക്ഷപെട്ടു. ശനിയാഴ്ച രണ്ടുമണിയോടെ ഈരാറ്റുപേട്ട വാഗമണ്‍ റോഡില്‍ കല്ലം ജങ്ഷന് സമീപമാണ് അപകടമുണ്ടായത്. കട്ടപ്പനയില്‍ നിന്നും കടുത്തുരുത്തിയിലേ്ക്ക് വരുമ്പോഴാണ് അപകടം. രണ്ടുതവണ റോഡില്‍ തലകീഴായി മറിഞ്ഞതിനുശേഷം തിട്ടയിലിടിച്ചു നില്‍ക്കുകയായിരുന്നു. അപ്പച്ചന്‍ മാത്രമാണ് കാറില്‍ ഉണ്ടായിരുന്നത്. സംഭവസ്ഥലത്തെത്തിയ നാട്ടുകാരാണ് അപകടത്തില്‍പ്പെട്ടയാളെ പുറത്തെടുത്തത്.