മലപ്പുറം:  മറ്റുള്ളവരെ  സഹായിക്കുന്നതില്‍ സന്തോഷം കണ്ടെത്തിയ വ്യക്തിയായിരുന്നു കെ.എം.എ ലത്വീഫ് ഹാജിയെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍ അനുസ്മരണ സന്ദേശത്തില്‍ പറഞ്ഞു. മുസ്‌ലിം സമൂഹത്തിന്റെ പുരോഗതിക്ക് വേണ്ടിയുള്ള എല്ലാ കൂട്ടായ്മകളുടെയും  പ്രവര്‍ത്തനത്തില്‍ അദ്ദേഹം മുഴുകിയിരുന്നു.
സ്‌നേഹിക്കാന്‍ മാത്രം അറിയുന്ന കൂട്ടുകാരനെയാണ് കെ.എം.എ ലത്വീഫ് ഹാജിയുടെ നിര്യാണത്തിലൂടെ നഷ്ടപ്പെട്ടതെന്ന് സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍. രോഗ ബാധിതനായി ചികിത്സയ്ക്ക് വിധേയനാകുന്നത് വരെ വിശ്രമമില്ലാതെ ദീനീ സേവനത്തില്‍ മുഴുകിയിരുന്നുവെന്ന് അദ്ദേഹം പറഞ്ഞു.
കെ.എം.എ ലത്വീഫ് ഹാജിയുടെ നിര്യാണത്തിലൂടെ സമസ്തക്കും കീഴ്ഘടകങ്ങള്‍ക്കും വലിയ ഒരു അത്താണിയാണ് നഷ്ടപ്പെട്ടതെന്ന് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജന. സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍ അനുസ്മരണ സന്ദേശത്തില്‍ പറഞ്ഞു. സമസ്തയുടെ പ്രവര്‍ത്തനം ജനകീയമാക്കുന്നതില്‍ അദ്ദേഹത്തിന്റെ പരിശ്രമം അവിസ്മരണീയമാണെന്നും അദ്ദേഹം അനുസ്മരിച്ചു.
മക്കയിലെ പൊതു പ്രവര്‍ത്തന രംഗത്ത് നാല് പതിറ്റാണ്ട് കാലം നിറസാന്നിധ്യമായിരുന്ന ലത്വീഫ് ഹാജിയുടെ വിയോഗം വ്യക്തിപരമായും പ്രാസ്ഥാനികമായും കനത്ത നഷ്ടമാണെന്ന് സമസ്ത ലീഗല്‍ സെല്‍ ചെയര്‍മാന്‍ ഹാജി കെ. മമ്മദ് ഫൈസി അനുസ്മരിച്ചു.