കൊച്ചി:എറണാകുളം ജില്ലയിലെ ചെങ്ങമനാട് ഗ്രാമപഞ്ചായത്തില്‍ തെരുവ്‌നായ്ക്കളെ കൂട്ടമായി കൊന്നൊടുക്കി. പഞ്ചായത്ത് ഭരണസമിതിയുടെ നേതൃത്വത്തിലാണ് തെരുവ്‌നായ്ക്കളെ കൊല്ലുന്ന പദ്ധതിക്ക് തുടക്കമിട്ടത്. ഈ മേഖലയില്‍ തെരുവ് നായ ശല്യം രൂക്ഷമായതിനെത്തുടര്‍ന്നാണ് കൊന്നൊടുക്കല്‍ പദ്ധതി ആരംഭിച്ചത്. പഞ്ചായത്തിലെ ആറോളം വാര്‍ഡുകളില്‍ 30ഓളം നായകളെയാണ് ഇന്ന് കൊന്നത്. മറ്റു വാര്‍ഡുകളില്‍ നാളെയും പദ്ധതി നടപ്പാക്കും. കൊന്ന നായ്ക്കളെ പഞ്ചായത്തിന്റെ കീഴില്‍ തന്നെ കുഴിച്ചിടുകയാണ് ചെയ്യുന്നത്. തെരുവ് നായ ഉന്മൂലന സംഘത്തിന്റെ നേതൃത്വത്തിലാണ് നായകളെ കൊല്ലുന്നത്. ഇതിനായി വാര്‍ഡ് മെമ്പര്‍മാരും രംഗത്തുണ്ട്.