തിരുവനന്തപുരം: വാഹനപരിശോധനയ്ക്കിടെ എആര്‍ ക്യാംപിലെ എസ്‌ഐയെ യുവാക്കള്‍ ബൈക്കിടിച്ചു തെറിപ്പിച്ചു.

എസ്‌ഐ സതീഷ് കുമാറിനാണ് പരുക്കേറ്റത്. സതീഷിന്റെ പരുക്ക് ഗുരുതരമാണ്. തലക്കും കാല്‍മുട്ടിനും മുഖത്തും പരുക്കുണ്ട്.


തിരുവല്ലം വാഴമുട്ടത്താണ് സംഭവം. പരിശോധനയ്ക്കിടെ കൈകാണിച്ചപ്പോള്‍ എസ്‌ഐയെ ഇടിച്ചു തെറിപ്പിക്കുകയായിരുന്നു.


ഇടിച്ച ഉടന്‍ ബൈക്ക് നിര്‍ത്താതെ പോയി. ബൈക്കില്‍ മൂന്നു പേരുണ്ടായിരുന്നുവെന്ന് പൊലിസ് പറഞ്ഞു.

KL 01 BQ 7446 എന്ന ബൈക്കാണ് ഇടിച്ചത്. ബൈക്കിന്റെ ഉടമയെതേടുകയാണെന്ന് പൊലിസ് പറഞ്ഞു.