ഇരിട്ടി: ഏഴുകുപ്പി കര്‍ണാടക മദ്യവും 76 ഗ്രാം കഞ്ചാവുമായി മൂന്ന് യുവാക്കള്‍ ഉളിക്കല്‍ പൊലിസ് പിടികൂടി.കര്‍ണാടക മദ്യവുമായി കോളിത്തട്ട് സ്വദേശി ദിലീപ് കുമാര്‍(40)നെയും കഞ്ചാവുമായി പനയാല്‍ സ്വദേശി റോബിന്‍സണ്‍(30), പൊട്ടന്‍പ്ലാവ് സ്വദേശി ജസ്‌വിന്‍(18) എന്നിവരെയമാണ് ഉളിക്കല്‍ എസ്.ഐ ശിവന്‍ ചോടോത്തും സംഘവും അറസ്റ്റ് ചെയ്തത്. കോളിത്തട്ട് ആനക്കുഴി പ്രദേശങ്ങളില്‍ നിത്യവും മദ്യ വില്‍പ്പന നടത്തി വന്നിരുന്ന ആളാണ് ദിലീപ് കുമാര്‍ എന്ന് പൊലിസ് പറഞ്ഞു. ഉളിക്കല്‍ അങ്ങാടിത്തട്ട് മേഖലയില്‍ കഞ്ചാവ് വില്‍പ്പന നടക്കുന്നുണ്ടെണ്ടന്ന വിവരത്തിന്റെ അടിസ്ഥാനത്തില്‍ പൊലിസ് നടത്തിയ പരിശോധനയില്‍ റോബിന്‍സും ജസ്‌വിനും പിടിയിലാവുന്നത്.ഇവരെ കോടതി റിമാന്‍ഡ് ചെയ്തു.