അണ്ടത്തോട്: ഒരാഴ്ചയായി നടന്ന പെരിയമ്പലം ബീച്ച് ഫെസ്റ്റിവെല്‍ സമാപിച്ചു. സമാപന സമ്മേളനം പഞ്ചായത്ത് പ്രസിഡന്റ് എ.ഡി ധനീപ് ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം ആലത്തയില്‍ മൂസ അധ്യക്ഷനായി. ബ്ലോക്ക് പഞ്ചായത്ത് അംഗം എം.വി ഹൈദരലി, മുസ്‌ലീം ലീഗ് ജില്ലാ പ്രസിഡന്റ് സി.എച്ച് റഷീദ്, വി.അപ്പു, ഷാജി തൃപ്പറ്റ്, കെ.എസ് ഭാസ്‌കരന്‍, ജാസ്മിന്‍ ഷഹീര്‍ എന്നിവര്‍ പ്രസംഗിച്ചു. മൈലാഞ്ചിയിടല്‍ മല്‍സരത്തില്‍ അന്‍പതോളം പേര്‍ പങ്കെടുത്തു. എറണാകുളം ശുഭ ഘോഷ് അക്കാദമി ഫാഷന്‍ ഡിസൈനര്‍ എ.പി പ്രഗീത് വിധികര്‍ത്താവായി. ജില്ലാ റൂറല്‍ പൊലിസ് മേധാവി ആര്‍.നിശാന്തിനി സമ്മാനം വിതരണം ചെയ്തു. വിവിധ മല്‍സരങ്ങളില്‍ വിജയിച്ചവര്‍ക്ക് വടക്കേകാട് എസ്.ഐ പി.കെ മോഹിതും സമ്മാനം നല്‍കി. ഗാനമേള, ഒപ്പന, നാടന്‍ പാട്ട്, സിറാജ് അമലിന്റെ ഗസല്‍, കാലിക്കറ്റ് ബാന്റിന്റെ റോക്ക് മ്യൂസിക്, ചൈനീസ് കുംങ്ഫു പ്രദര്‍ശനം എന്നിവ ഉണ്ടായി. ബീച്ച് ഫെസ്റ്റിവല്‍ കമ്മിറ്റിക്ക് അണ്ടത്തോട് നസീര്‍ സ്മാരക ട്രസ്റ്റ്, ക്രസന്റ് ക്ലബ് എന്നിവര്‍ ഉപഹാരം നല്‍കി.