തൃശൂര്‍: പ്രകൃതി കൃഷി കര്‍ഷക സംഘത്തിന്റെ ആഭിമുഖ്യത്തില്‍ പ്രകൃതി കര്‍ഷകരുടെ സംഗമം നടത്തി. സാഹിത്യ അക്കാദമി ചെങ്ങമ്പുഴ ഹാളില്‍ സംഘടിപ്പിച്ച സംഘത്തിന്റെ സംഗമവും അംഗത്വ വിതരണവും പ്രസിഡന്റ് ടി.കെ വിജയകുമാര്‍ ഉദ്ഘാടനം ചെയ്തു.
വൈസ് പ്രസിഡന്റ് കെ.ഭാഗ്യനാഥ്, സെക്രട്ടറി സി.വി ബാബുരാജ് സംസാരിച്ചു. കാര്‍ഷിക രംഗത്തുനിന്നുള്ള ഏക പത്മശ്രീ ജേതാവായ സുഭാഷ് പലേക്കറിന്റെ 'ചെലവില്ലാ പ്രകൃതി കൃഷിരീതി'യെ സംബന്ധിച്ച് പ്രകൃതി കര്‍ഷകരെ ബോധ്യപ്പെടുത്തുന്നതിന് ചര്‍ച്ചാ ക്ലാസ്സും സംഘടിപ്പിച്ചു.
കൃഷി വിജ്ഞാനത്തിനും പ്രവര്‍ത്തനങ്ങള്‍ക്കുമൊപ്പം കൃഷിക്കാരുടെ കൂട്ടായ്മയിലൂടെ അതാത് പ്രദേശത്ത് വിപണ സാധ്യതകളും സംഘത്തിന്റെ നേതൃത്വത്തില്‍ ഒരുക്കും. 130 പ്രകൃതി കര്‍ഷകര്‍ സംഗമത്തില്‍ പങ്കെടുത്തു.