തൃശൂര്‍: കാലം മായ്ക്കാത്ത സൗഹൃദം മനസ്സിലേറ്റി പ്രായവും ആരോഗ്യ പ്രശ്‌നങ്ങളും മാറ്റിവച്ച് അവര്‍ ഒത്തുകൂടി. ശ്രീകേരളവര്‍മ കോളജില്‍ 1960 മുതല്‍ 80 വരെ പഠിച്ചവര്‍ കണ്ടുമുട്ടിയത് അപൂര്‍വ നിമിഷമായി.
തൃശൂര്‍ എലൈറ്റ് ഹോട്ടലിലായിരുന്നു അപൂര്‍വസംഗമം. കൃഷി മന്ത്രി വി.എസ് സുനില്‍കുമാര്‍, പ്രൊഫ. കെ.യു അരുണന്‍ എം.എല്‍.എ, മുന്‍ മന്ത്രി കെ.പി വിശ്വനാഥന്‍ എന്നീ ഒട്ടനവധി സുഹൃത്തുക്കള്‍ നാല്‍പതും അമ്പതും വര്‍ഷങ്ങള്‍ക്ക് മുമ്പുള്ള കലാലയ ഓര്‍മകള്‍ പങ്കുവച്ചു.
ഔഷധ നിര്‍മാണം, വ്യാപാരം, രാഷ്ട്രീയം തുടങ്ങി വിവിധ മേഖലയില്‍ എത്തിപ്പെട്ടവര്‍ അനുഭവങ്ങള്‍ പങ്കുവെച്ചു. ഓണസദ്യയും ഗാനമേളയും നടന്നു.