ഉറി: കശ്മീരിലെ ലാച്ച്പുര മേഖലയില്‍ നടന്ന ഏറ്റുമുട്ടലില്‍ എട്ട് ഭീകരരെ സൈന്യം വധിച്ചു. ഏഴ് ഭീകരര്‍ കൂടി ഒളിച്ചിരിക്കുന്നതായാണ് സൂചന. നിയന്ത്രണ രേഖയ്ക്ക് സമീപം നുഴഞ്ഞു കയറാന്‍ ശ്രമിച്ച ഭീകരരെയാണ് വധിച്ചത്.

ഭീകരര്‍ നുഴഞ്ഞു കയറുന്നതിന് തൊട്ട് മുമ്പ് ഇന്ത്യന്‍ പോസ്റ്റുകള്‍ക്കു നേരെ പാക് സൈന്യം വെടിയുതിര്‍ത്തു. 20 തവണ വെടിയുതിര്‍ത്തതായാണ് റിപ്പോര്‍ട്ടുകള്‍.

അതേ സമയം ഇന്ന് രാവിലെ കുപ്‌വാര ജില്ലയിലെ ഹന്ദ്വാര പൊലിസ് സ്റ്റേഷനുനേരെയുണ്ടായ വെടിവെപ്പുണ്ടായി. സൈന്യം ഒരു ഭീകരനെ വധിച്ചു.