നാദാപുരം: ക്രമസമാധാനപാലത്തിനു സഹായിക്കാന്‍ നാദാപുരത്തെത്തിച്ച അസ്‌കാ ലൈറ്റുകള്‍ കടന്തറപ്പുഴയില്‍ ഒഴുക്കില്‍പ്പെട്ടവര്‍ക്കായുള്ള തിരച്ചിലിന് തുണയായി. നാദാപുരത്തെ പ്രശ്‌ന സാധ്യതയുള്ള മേഖലകളില്‍ രാത്രിസമയത്തു പരിശോധന നടത്താന്‍ പ്രത്യേകമായി എത്തിച്ച അസ്‌കാലൈറ്റ് സംവിധാനമാണ് തിരച്ചിലിനായി പൊലിസ് ഉപയോഗിച്ചത്.
ലൈറ്റ് സ്ഥാപിക്കുന്ന സ്ഥലങ്ങളില്‍ നിന്ന് ഒന്നരകിലോമീറ്റര്‍ ചുറ്റളവില്‍ വെളിച്ചം ലഭിക്കുമെന്നതാണ് ഇതിന്റെ പ്രത്യേകത. പെട്രോളിന് പ്രവര്‍ത്തിക്കുന്ന ജനറേറ്റര്‍ ഉപയോഗിച്ചാണ് അസ്‌കാലൈറ്റ് പ്രവര്‍ത്തിപ്പിക്കുന്നത്. ഇത്തരം മൂന്നു ലൈറ്റുകളാണ് നാദാപുരം സ്റ്റേഷനില്‍ എത്തിച്ചിരുന്നത്.