പാലക്കാട്: എന്‍.എസ്.എസ് എന്‍ജിനീയറിങ് കോളജില്‍ യുവ സംരംഭകരുടെ ദ്വിദിന ദേശീയ സമ്മേളനം ശനിയും ഞായറും നടക്കും. രണ്ടു ദിവസങ്ങളിലായി ആറു ശില്പശാലകള്‍, എട്ടു മത്സരങ്ങള്‍, ആറു പ്രഭാഷണങ്ങള്‍, രണ്ടു പാനല്‍ ചര്‍ച്ചകള്‍ എന്നിവയുണ്ടാവുമെന്ന് കോളജ് പ്രിന്‍സിപ്പല്‍ ഡോ. ടി സുധ, ജനറല്‍ കണ്‍വീനര്‍ കിരണ്‍ കെ.ആര്‍ ഫെബിന്‍ ജിഷാല്‍ അറിയിച്ചു.
കേരള സാങ്കേതിക സര്‍വ്വകലാശാലയുടെ കീഴില്‍ കോളജിലെ സംരംഭകത്വ വികസന സെല്ലാണ് പരിപാടി സംഘടിപ്പിക്കുന്നത്. പുതിയ സംരംഭങ്ങള്‍ ആരംഭിക്കുതിനുള്ള സാങ്കേതിക നിര്‍ദേശങ്ങള്‍ ഉള്‍പ്പെടെയുള്ളവ സമ്മേളനവേദിയില്‍ നിന്നു ലഭിക്കും.
മികച്ച ബിസിനസ് പ്ലാന്‍, മികച്ച ബിസിനസ് ആശയം, കിക്ക് സ്റ്റാര്‍ട്ട'് ഇവന്റ് തുടങ്ങിയ ഇനങ്ങളിലാണ് മത്സരം. ഒന്നേകാല്‍ ലക്ഷം രൂപയുടെ സമ്മാനങ്ങളുമുണ്ട്. സംസ്ഥാനത്തെ എ.ടി. സെക്രട്ടറി എം. ശിവശങ്കര്‍ 24 ന് രാവിലെ 9.30 ന് ഉദ്ഘാടനം ചെയ്യും. കേരള സാങ്കേതിക സര്‍വ്വകലാശാല പ്രൊ.വൈസ് ചാന്‍സലര്‍ പ്രൊഫ. എം. അബ്ദുറഹ്മാന്‍, വി. രവീന്ദ്രന്‍, ഡോ. പ്രഹ്ലാദ് വടക്കേപ്പാട്ട് പ്രഭാഷണം നടത്തും.
സ്റ്റാര്‍ട്ട് അപ്പുകളുടെ പ്രദര്‍ശനവും ഉണ്ടാവും. കേരള സ്റ്റാര്‍ട്ട് അപ് മിഷന്‍, കഞ്ചിക്കോട് ഇന്‍ഡസ്ട്രീസ് ഫോറം എിവയുടെ സഹകരണവുമുണ്ട്. ഫോണ്‍: 8907905554.