കോഴിക്കോട്: സംസ്ഥാന ബാഡ്മിന്റണ്‍ ചാംപ്യന്‍ഷിപ്പില്‍ ജേതാക്കളായ ജില്ലാ ടീമംഗങ്ങള്‍ക്ക് ജില്ലാ ബാഡ്മിന്റണ്‍ അസോസിയേഷന്റെ ആഭിമുഖ്യത്തില്‍ സ്വീകരണം നല്‍കി. സീനിയര്‍ താരങ്ങളായ മുഹമ്മദ് മുനവര്‍, സുര്‍ജിത്ത്, സംഗീത് ദാസ്, എസ്.കെ അശ്വന്ത്, ശ്രുതി, ഹരിത, എസ്. അശ്വതി, എന്‍. അശ്വതി, അഗ്ന, ജൂനിയര്‍ താരങ്ങളായ അജയ്, അമൃത് ഭാസ്‌കര്‍, ഡെന്‍സണ്‍ ആന്റണി, ഗോവിന്ദ് കൃഷ്ണ, ടി. വാഹിദ്, അനുഗ്രഹ, സാറാ സിറാജ്, ആദ്യവാര്യത്ത്, സബ്ജൂനിയര്‍ താരങ്ങളായ എബിന്‍ അരവിന്ദ്, രോഹിത്, ഷാമില്‍, റീമ, സന്‍ജന, അഖില, പരിശീലകന്‍ എ. നാസര്‍ എന്നിവര്‍ക്കാണ് സ്വീകരണം നല്‍കിയത്.
ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് ഡോ. കെ. കുഞ്ഞാലി ഉപഹാരം സമ്മാനിച്ചു. ജില്ലാ പ്രസിഡന്റ് പി.എം മുസമ്മില്‍ അധ്യക്ഷനായി. സെക്രട്ടറി എ. വത്സലന്‍, വൈസ് പ്രസിഡന്റ് കെ. ശിവരാജന്‍, ട്രഷറര്‍ സജ്ഞീവ് സാബു, പ്രസ്‌ക്ലബ് പ്രസിഡന്റ് കമാല്‍വരദൂര്‍, എ.കെ നിഷാദ് പ്രസംഗിച്ചു.