നിലമ്പൂര്‍: ജാമിഅ ജൂനിയര്‍ കോളജ് ഫെസ്റ്റിനോടനുബന്ധിച്ച് നടന്ന മര്‍ക്കസ് വിദ്യാര്‍ഥി ഫെസ്റ്റ് സമാപിച്ചു. വൈകിട്ട് നടന്ന സമാപന സമ്മേളനം പി.വി അന്‍വര്‍ എം.എല്‍.എ ഉദ്ഘാടനം ചെയ്തു. ഇ.കെ കുഞ്ഞമ്മദ് മുസ്‌ലിയാര്‍ കാട്ടുമുണ്ട പ്രാര്‍ഥനക്ക് നേതൃത്വം നല്‍കി.
സമസ്ത താലൂക്ക് സെക്രട്ടറി പുത്തനഴി മൊയ്തീന്‍ ഫൈസി അധ്യക്ഷനായി. നിലമ്പൂര്‍ നഗരസഭ വൈസ് ചെയര്‍മാന്‍ പി.വി ഹംസ, സയ്യിദ് ഫൈസല്‍ തങ്ങള്‍, കെ.ടി കുഞ്ഞാന്‍, പറമ്പില്‍ ബാവഹാജി, അലി ദാരിമി, ജംഷീദ് ഫൈസി, റാഷിദ് ഫൈസി, ഹസന്‍ ഫൈസി, മര്‍കസ് മാനേജര്‍ ഹംസ ഫൈസി, അടുക്കത്ത് ഇസ്ഹാഖ്, കോഡിനേറ്റര്‍ സുഹൈല്‍ റഹ്മാനി സംസാരിച്ചു. വിജയികള്‍ക്കുള്ള ട്രോഫികളും എം.എല്‍.എ വിതരണം ചെയ്തു.