അങ്കമാലി: എറണാകുളം ജില്ലാ വോളിബോള്‍ അസോസിയേഷന്റെയും കിടങ്ങൂര്‍ സെന്റ് ജോസഫ്‌സ് വോളി അക്കാദമിയും സംയുക്താഭിമുഖ്യത്തില്‍ എറണാകുളം ജില്ല മൂന്നാമത് സബ് ജൂനിയര്‍ വോളിബോള്‍ ചാംപ്യന്‍ഷിപ്പ് 24, 25 തീയതികളില്‍ കിടങ്ങൂരില്‍ നടക്കും.
എറണാകുളം ജില്ലയിലെ വിവിധ ഭാഗങ്ങളില്‍ നിന്നായി ആണ്‍കുട്ടികളുടെ വിഭാഗത്തില്‍ 30 ഓളം ടീമുകളും പെണ്‍കുട്ടികളുടെ വിഭാഗത്തില്‍ 12 ഓളം ടീമുകളും ചാമ്പ്യന്‍ഷിപ്പില്‍ പങ്കെടുക്കുമെന്ന് സംഘാടക സമിതി ഭാരവാഹികളായ പി.എ.അഫ്രേം, സി. ബാബുരാജ്, ജോജോ ജോസഫ് തുടങ്ങിയവര്‍ വാര്‍ത്ത സമ്മേളനത്തില്‍ പറഞ്ഞു.
ഇരു വിഭാഗങ്ങളിലായി 16 വയസില്‍ താഴെയുള്ള 500 ഓളം കുട്ടികളും 50 ഓളം പരിശീലകരും 25 ഓളം ഒഫീഷ്യല്‍ സുകളും ചാമ്പ്യന്‍ഷിപ്പില്‍ പങ്കെടുക്കും. 24 ന് കിടങ്ങൂര്‍ സെന്റ് ജോസഫ്‌സ് ഹൈ സെക്കന്‍ഡറി സ്‌കൂള്‍ ഗ്രൗണ്ടില്‍ രാവിലെ 8.30 ന് റോജി എം.ജോണ്‍ എം.എല്‍.എ ജില്ല സബ് ജൂനിയര്‍ വോളിബോള്‍ ചാമ്പ്യന്‍ഷിപ്പ് ഉദ്ഘാടനം ചെയ്യും സമ്മേളനത്തില്‍ തുറവൂര്‍ ഗ്രാമപഞ്ചായത്ത് പ്രസിഡന്റ് കെ.വൈ.വര്‍ഗീസ് അധ്യക്ഷത വഹിക്കും.