കരുളായി: ദേശസേവാ സമാജം വായനശാലയുടെ അറുപതാംവാര്‍ഷികാഘോഷങ്ങള്‍ക്ക് സമാപനമായി. സമാപന സമ്മേളനം മാപ്പിളപ്പാട്ട് ഗവേഷകന്‍ ഫൈസല്‍ എളേറ്റില്‍ ഉദ്ഘാടനം ചെയ്തു. വായനശാല പ്രസിഡന്റ് പി.ഹാരിസ് അധ്യക്ഷനായി. ഹൈദ്രാലി പിലിക്കോട്ടില്‍ മുഖ്യാതിഥിയായി. ചടങ്ങില്‍ കരുളായി സ്വദേശിനിയായ കെ. സൗജത്തിന്റെ ആദ്യ നോവലായ സ്പര്‍ശം പുസ്തകത്തിന്റെ പ്രകാശനം ഹൈദ്രാലി നിര്‍വഹിച്ചു. പഞ്ചായത്ത് പ്രസിഡന്റ് വി.അസൈനാര്‍ പഴയകാല വായനശാല പ്രവര്‍ത്തകരെ ആദരിച്ചു. പി.ബാലകൃഷണന്‍, പഞ്ചായത്ത് വൈസ്പ്രസിഡന്റ് കെ.ഷെരീഫ, പി.സുനീര്‍, കെ.മനോജ്, ടി.കെ വിജയന്‍, പി.രാമകൃഷണന്‍, എ.സി രാമചന്ദ്രന്‍ സംസാരിച്ചു. ശേഷം പഴയതും പുതിയതുമായ ഗാന സന്ധ്യയും നടന്നു.



കരുളായി സ്വദേശിനി കെ. സൗജത്തിന്റെ ആദ്യ നോവലായ സ്പര്‍ശം പുസ്തകത്തിന്റെ പ്രകാശനം ഹൈദ്രാലി നിര്‍വഹിക്കുന്നു