കോഴിക്കോട്: കാലിക്കറ്റ് സര്‍വകലാശാല മലയാള-കേരള പഠനവിഭാഗവും കോഴിക്കോട് പൂര്‍ണ പബ്ലിക്കേഷന്‍സും സംയുക്തമായി അന്താരാഷ്ട്ര സെമിനാര്‍ സംഘടിപ്പിക്കുന്നു. 'ഫോക്‌ലോര്‍ സംസ്‌കാര പഠനമാകുമ്പോള്‍' എന്ന വിഷയത്തിലാണ് സെമിനാര്‍. ഒക്ടോബര്‍ 22ന് രാവിലെ പത്തിന് കോഴിക്കോട് ടൗണ്‍ഹാളില്‍ നടക്കുന്ന സെമിനാര്‍ സര്‍വകലാശാല വൈസ് ചാന്‍സ്‌ലര്‍ ഡോ. കെ. മുഹമ്മദ് ബഷീര്‍ ഉദ്ഘാടനം ചെയ്യും. ജര്‍മനിയിലെ ട്യൂബിങ്ടണ്‍ സര്‍വകലാശാല ഗുണ്ടര്‍ട്ട് ചെയര്‍ ഡയരക്ടര്‍ ഡോ. സ്‌കറിയാ സക്കറിയ മുഖ്യപ്രഭാഷണം നടത്തും. സെമിനാറില്‍ പങ്കെടുക്കാനും പ്രബന്ധങ്ങള്‍ അവതരിപ്പിക്കാനും 9447339013 നമ്പറില്‍ ബന്ധപ്പെടാം. വാര്‍ത്താസമ്മേളനത്തില്‍ എന്‍.ഇ മനോഹരന്‍, ഡോ. കെ.വി തോമസ്, ഡോ. ആര്‍.വി.എം ദിവാകരന്‍ പങ്കെടുത്തു.