പെര്‍ള: തെരുവ് നായയുടെ വിളയാട്ടത്തില്‍ മൂന്നു പേര്‍ക്ക് പരുക്കേറ്റു. ഇന്നലെ  രാവിലെ പാട്ടോടെയാണ് പെര്‍ള നഗരത്തില്‍  നായ വിളയാടിയത്.
നഗരത്തിലെ  ഒരു കടയില്‍ നില്‍ക്കുകയായിരുന്ന കുട്ടി ഉള്‍പ്പെടെയുള്ള മൂന്നുപേരെയാണ് നായ അക്രമിച്ചത്. പെര്‍ളയിലെ വ്യാപാരി പ്രകാശ് പൈയുടെ മൂന്നര വയസുള്ള മകന്‍ ശ്രീവിഷ്ണുവിനാണ് ആദ്യം നായയുടെ കടിയേറ്റത്. കുട്ടിയെ രക്ഷപ്പെടുത്താനുള്ള ശ്രമത്തിനിടെ ബന്ധു മഹേഷി(30)നും കടിയേറ്റു. ശ്രീവിഷ്ണുവിന്റെ മുഖത്തും നെഞ്ചിനും കടിയേറ്റിട്ടുണ്ട്. മഹേഷിന്റെ കാലിനാണ് കടിയേറ്റത്.
അതിനിടെയാണ് കടയിലേക്ക് വരുകയായിരുന്ന  കാടമന മാടത്തടുക്കയിലെ അന്‍വറി(17)നെയും നായ ആക്രമിച്ചു.
മൂവരേയും ബദിയടുക്ക കമ്മ്യൂണിറ്റി ഹെല്‍ത്ത് സെന്ററില്‍ പ്രവേശിപ്പിച്ചു. പേവിഷബാധയുള്ള നായയാണ് ഇതെന്ന് സംശയിക്കുന്നതായി നാട്ടുകാര്‍ പറയുന്നു.