മഞ്ചേശ്വരം: വീട് കുത്തിത്തുറന്ന് കവര്‍ച്ച നടത്തി. ബഡാജെ ചൗക്കിയിലെ ഇസ്മായിലിന്റെ വീട്ടിലാണ് കവര്‍ച്ച നടന്നത്. ഗള്‍ഫിലുള്ള ഇസമായിലിന്റെ ഭാര്യയും,കുട്ടികളും വീടുപൂട്ടി രണ്ടു ദിവസം മുമ്പ് ബന്ധുവീട്ടില്‍ പോയിരുന്നു. ഇന്നലെ രാവിലെ ഇവരുടെ മകന്‍ റഷാദ്  സ്‌കൂള്‍ യൂണിഫോം എടുക്കുന്നതിനു വേണ്ടി വീട്ടിലെത്തിയപ്പോഴാണ് കവര്‍ച്ച നടന്ന വിവരം അറിഞ്ഞത്.മുന്‍ഭാഗത്തെ വാതില്‍ പൂട്ട് പൊളിച്ച നിലയിലായിരുന്നു.   അലമാരയില്‍ സൂക്ഷിച്ച പണവും ആഭരണങ്ങളുമാണ് നഷ്ടപ്പെട്ടത്. മഞ്ചേശ്വരം എസ്.ഐ. പി. പ്രമോദിന്റെ നേതൃത്വത്തില്‍ പൊലിസ് വീട് പരിശോധിച്ചു കേസെടുത്തു.