ബദിയടുക്ക: സ്‌കൂട്ടറില്‍ കാറിടിച്ച് ദമ്പതികള്‍ക്ക് പരുക്കേറ്റു. ഈശ്വരമംഗലം സ്വദേശിയും,ബദിയടുക്കയിലെ ഗജാന സ്ഥാപന ഉടമയുമായ ജയറാം(40),ഭാര്യ വിനോദ(32) എന്നിവര്‍ക്കാണ് അപകടത്തില്‍ പരുക്കേറ്റത്. അമിത വേഗതയില്‍ വന്ന ആള്‍ട്ടോ കാര്‍ സ്‌കൂട്ടറില്‍ ഇടിക്കുകയായിരുന്നു.അപകടം കണ്ട് പ്രദേശത്തെ  ഒരുകൂട്ടം  ആളുകള്‍ ഓടിയെത്തിയെങ്കിലും വാഹനം കിട്ടാത്തതിനാല്‍ പരുക്കേറ്റവരെ  ആശുപത്രിയിലെത്തിക്കാന്‍ സാധിച്ചില്ല. ഇതിനിടെ പാതയിലൂടെ   വരുകയായിരുന്ന  ബദിയടുക്കയിലെ  ബി.എം ഹാരിസും സുഹൃത്ത് ആസിഫും ചേര്‍ന്നാണ് അപകടത്തില്‍പെട്ടവരെ തങ്ങളുടെ  ഓംനി വാനില്‍  ബദിയടുക്കയിലെ എത്തിച്ചത്. ഇവിടെ നിന്നും  പ്രഥമ ശുശ്രൂഷ നല്‍കി  ദമ്പതികളെ  കാസര്‍കോട് കെയര്‍വെല്‍ ആശുപത്രിയിലേക്ക് മാറ്റി. സംഭവത്തില്‍ ജയറാമിന്റെ  കാലിന് സാരമായി പരുക്കേറ്റു.വിനോദായുടെ പരുക്ക് സാരമുള്ളതല്ല.