തച്ചനാട്ടുകര: കാര്‍ഷിക സംസ്‌കാരത്തെ തിരിച്ചു പിടിക്കാന്‍ കുണ്ടൂര്‍കുന്ന് ടി.എസ്.എന്‍.എം.ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ്.യൂനിറ്റ്.പാടം പാട്ടത്തിനെടുത്ത് നെല്‍കൃഷി ആരംഭിച്ചാണ് കാര്‍ഷിക സ്വയം പര്യാപ്തതയിലേക്ക് കുട്ടികളുടെ മടക്കം.
ഞാറ്റടി ഒരുക്കല്‍, ഞാറു പറിക്കല്‍, നിലമൊരുക്കല്‍, ഞാറുനടീല്‍ തുടങ്ങിയ ജോലികളെല്ലാം കുട്ടികള്‍ തന്നെ നിര്‍വ്വഹിച്ചപ്പോള്‍ കുട്ടികള്‍ക്ക് ഉപദേശങ്ങളുമായി പ്രദേശത്തെ മുതിര്‍ന്ന കര്‍ഷകരും പി.ടി.എ.അംഗങ്ങളും എത്തി. ജൈവരീതിയിലാണ് കുട്ടികളുടെ നെല്‍കൃഷി ഞാറ്റുപാട്ടോടെയായിരുന്നു ഞാറുനടീല്‍ ആരംഭിച്ചത്.
 വാര്‍ഡ് മെമ്പര്‍ എ.കെ. വിനോദ് ഉദ്ഘാടനംചെയ്തു. മാനേജര്‍ ടി.എം അനുജന്‍, പി.ടി.എ.പ്രസിഡന്റ് വി.പി. അപ്പുക്കുട്ടന്‍, പ്രിന്‍സിപ്പല്‍ എന്‍.വി. ശശീദരന്‍, എന്‍.പി. പ്രിയേഷ്, പ്രോഗ്രാം കോ ഓര്‍ഡിനേറ്റര്‍ എന്‍. രാജേഷ്, കെ. ഉണ്ണികൃഷ്ണന്‍, പ്രശാന്ത്, മുസ്തഫ, സൗമ്യ, കൃഷി ഓഫിസര്‍ പ്രദീപ് കുമാര്‍, സ്റ്റുഡന്റ് കൊ ഓര്‍ഡിനേറ്റര്‍ അജ്മല്‍ പ്രസംഗിച്ചു.