പോത്തന്‍കോട്: നന്നാട്ടുകാവ് മുസ്‌ലിം ജമാഅത്തിനു കീഴിലുള്ള ചാത്തന്‍പാട് നൂറുല്‍ഹുദാ മസ്ജിദ് ഉദ്ഘാടനം ഇന്ന് നടക്കും.
വൈകിട്ട് നാലിന് നന്നാട്ടുകാവ് മുസ്‌ലിം ജമാഅത്ത് ചീഫ് ഇമാം അബ്ദുല്‍ ഗഫൂര്‍ ബാഖവി അസര്‍ നിസ്‌കാരത്തിന് നേതൃത്വം നല്‍കി ഉദ്ഘാടനം നിര്‍വഹിക്കും. തുടര്‍ന്നുനടക്കുന്ന പൊതുസമ്മേളനം ഡോ. എ സമ്പത്ത് എം.പി ഉദ്ഘാടനം ചെയ്യും. മുന്‍ ഡെപ്യൂട്ടി സ്പീക്കര്‍ പാലോട് രവി മുഖ്യപ്രഭാഷണം നടത്തും. പൊതുസമ്മേളനത്തില്‍ നന്നാട്ടുകാവ് സ്വലാഹുദ്ദീന്‍ (പ്രസിഡന്റ്-നൂറുല്‍ ഹുദാ മസ്ജിദ്), എം ഷമീര്‍ (സെക്രട്ടറി നൂറുല്‍ ഹുദാ മസ്ജിദ്), ഗുരുരത്‌നം ജ്ഞാനതപസ്വി (ശാന്തിഗിരി ആശ്രമം), സ്വാമി അശ്വതി തിരുനാള്‍ (മഠാധിപതി ഏകലവ്യാശ്രമം തിരുവനന്തുരം) ഫാ. സാജു തിരുവനന്തപുരം, ഉവൈസ് സൈനുലാബ്ദീന്‍ (മനുഷ്യാവകാശ പ്രവര്‍ത്തകന്‍), എസ് ഷാജി (സി.ഐ പോത്തന്‍കോട്), എന്‍.എ സലാം (പ്രസിഡന്റ് നന്നാട്ടുകാവ് മുസലിം ജമാഅത്ത്), തേക്കട അനില്‍കുമാര്‍, എ.എം ഫാറൂഖ്, എസ്.ആര്‍ വിജയന്‍, ബി.എസ് പ്രസാദ്, ഇര്‍ഷാദ് കന്യാകുളങ്ങര, എസ്.എഫ്.എസ്.എ തങ്ങള്‍, എസ് നിസാമുദ്ദീന്‍ (ട്രഷറര്‍ നൂറുല്‍ ഹുദാ മസ്ജിദ്) എന്നിവര്‍ ചടങ്ങില്‍ പങ്കെടുക്കും. തുടര്‍ന്ന് നവാസ് മന്നാനിയുടെ മതപ്രഭാഷണം.